#IndiaFightsCorona இந்தியாவில் 33,050 பேருக்கு நோய்த்தொற்று, பலி எண்ணிக்கை 1,074 ஆக உயர்வு.!

உலகம் முழுவதும் வேகமாக பரவி வரும் கொரோனா வைரஸ் சுமார் 31 லட்சத்துக்கும் மேற்பட்டோரை நோய்த்தொற்றுக்கு உள்ளாக்கியதுடன், 2 லட்சத்துக்கும் அதிகமானோரின் உயிரையும் பலி வாங்கிவிட்டது.

இந்தியாவிலும் இந்த கொடூர கொரோனா வைரஸ் 33,050 பேரை பாதிப்புக்கு உள்ளாக்கிவிட்டது.

மத்திய சுகாதாரத்துறை அமைச்சகம் இன்று காலை வெளியிட்ட புள்ளி விவரத்தில், இந்தியாவில் ஒரே நாளில் 1,718 பேருக்கு கொரோனா தொற்று உறுதியாகி உள்ளதாக தெரிவிக்கப்பட்டு உள்ளது. இதனால் முந்தைய நாள் 32 ஆயிரத்தை நெருங்கி இருந்த பாதிக்கப்பட்டவர்கள் எண்ணிக்கை நேற்று 33 ஆயிரத்தை தாண்டியது. வைரஸ் பாதிப்பால் புதிதாக 67 பேர் பலியானதால், உயிரிழந்தவர்களின் எண்ணிக்கையும் 1,074 ஆக அதிகரித்து இருக்கிறது. கொரோனா தொற்றால் பாதிக்கப்பட்டவர்களில் 23,651 பேர் ஆஸ்பத்திரிகளில் சிகிச்சை பெற்று வருவதாகவும் தெரிவிக்கப்பட்டுள்ளது.

பாதிப்பு ஒருபுறம் இருந்தாலும், கொரோனாவின் கோரப்பிடியில் இருந்து மீண்டு வருபவர்களின் எண்ணிக்கையும் கடந்த சில தினங்களாகவே அதிகரித்து வருகிறது என்பது குறிப்பிடத்தக்கது.

நாட்டில் கொரோனாவால் பாதிக்கப்பட்டுள்ள 33 ஆயிரம் பேரில், 9,915 பேர் மராட்டிய மாநிலத்தை சேர்ந்தவர்கள் ஆவார்கள். அங்கு இந்த வைரஸ் 432 பேரின் உயிரையும் பறித்துவிட்டது. குஜராத்தில் 4082 பேரையும், டெல்லியில் 3439 பேரையும், ராஜஸ்தானில் 2438 பேரையும், மத்திய பிரதேசத்தில் 2561 பேரையும் கொரோனா பாதிப்புக்கு உள்ளாக்கி இருக்கிறது.

தமிழகத்தில் ஒரே நாளில் 104 பேருக்கு நோய்த்தொற்று உறுதியாகி இருப்பதன் மூலம், பாதிக்கப்பட்டவர்கள் எண்ணிக்கை 2,162 ஆக அதிகரித்து இருக்கிறது. உத்தரபிரதேசத்தில் 2134 பேர் கொரோனா தொற்றால் பாதிக்கப்பட்டு உள்ளனர். ஆந்திரா மற்றும் தெலுங்கானாவில் முறையே 1,332, 1,012 பேரை கொரோனா வைரஸ் தாக்கி இருக்கிறது. கேரளாவில் இந்த எண்ணிக்கை 500-ஐ நெருங்கிவிட்டது.

Next Post

ஊரடங்கு கட்டுப்பாடுகளால் 70 லட்சம் எதிர்பாராத கர்ப்பங்கள் உருவாகும் ஐ.நா. தகவல்..!

Thu Apr 30 , 2020
ஊரடங்கு கட்டுப்பாடுகளால் கருத்தடை சாதனங்கள் கிடைக்காமல், உலகம் முழுவதும் 70 லட்சம் எதிர்பாராத கர்ப்பங்கள் உருவாகும் என்று ஐ.நா. அமைப்பு நடத்திய ஆய்வு முடிவில் தெரிவிக்கப்பட்டு உள்ளது. உலகம் முழுவதும் கொரோனா வைரஸ் ஆட்டிப்படைத்து வருகிறது. வைரஸ் தொற்றுக்கு எதிராக மருந்து எதுவும் கிடையாது. தொற்றிலிருந்து மக்களை காப்பாற்ற உலக நாடுகள் ஊரடங்கை அமல்படுத்தி உள்ளன. இந்நிலையில், பெரும்பாலான நாடுகளில் ஊரடங்கை தளர்த்துவதற்கு சாதகமாக எந்தஒரு அறிகுறியும் தென்படவில்லை. இதனால் […]

அதிகம் வாசிக்கப்பட்டவை