ஊரடங்கு கட்டுப்பாடுகளால் 70 லட்சம் எதிர்பாராத கர்ப்பங்கள் உருவாகும் ஐ.நா. தகவல்..!

Read Time:3 Minute, 21 Second
Page Visited: 74
ஊரடங்கு கட்டுப்பாடுகளால் 70 லட்சம் எதிர்பாராத கர்ப்பங்கள் உருவாகும் ஐ.நா. தகவல்..!

ஊரடங்கு கட்டுப்பாடுகளால் கருத்தடை சாதனங்கள் கிடைக்காமல், உலகம் முழுவதும் 70 லட்சம் எதிர்பாராத கர்ப்பங்கள் உருவாகும் என்று ஐ.நா. அமைப்பு நடத்திய ஆய்வு முடிவில் தெரிவிக்கப்பட்டு உள்ளது.

உலகம் முழுவதும் கொரோனா வைரஸ் ஆட்டிப்படைத்து வருகிறது. வைரஸ் தொற்றுக்கு எதிராக மருந்து எதுவும் கிடையாது. தொற்றிலிருந்து மக்களை காப்பாற்ற உலக நாடுகள் ஊரடங்கை அமல்படுத்தி உள்ளன. இந்நிலையில், பெரும்பாலான நாடுகளில் ஊரடங்கை தளர்த்துவதற்கு சாதகமாக எந்தஒரு அறிகுறியும் தென்படவில்லை. இதனால் ஏற்படும் தாக்கம் குறித்து ஐ.நா. மக்கள்தொகை நிதியம் என்ற அமைப்பு ஆய்வு ஒன்றை நடத்தி முடிவுகளை வெளியிட்டுள்ளது.

அதில், கொரோனா வைரஸ் தொற்றின் தாக்கமும், அதன் எதிர்வினையும் உலகம் முழுவதும் எப்படி விரிவடையும் என்பது இன்னும் உறுதியாக தெரியவில்லை. அதே சமயத்தில், பெண்களின் நலன்களையும், உரிமைகளையும் பாதுகாக்காவிட்டால், அவர்கள் பெரிதும் பாதிக்கப்படுவார்கள் என்பதை உணர்த்த இந்த ஆய்வை மேற்கொண்டு முடிவை வெளியிட்டுள்ளோம்.

கொரோனா வைரஸ் தொற்று பாதிப்பு காரணமாக, ஆஸ்பத்திரிகள் கொரோனா நோயாளிகளுக்கு முன்னுரிமை அளிக்க வேண்டிய அவசியம் உள்ளது. பெண்களும், வைரஸ் தாக்கும் அச்சத்தில், வழக்கமான பரிசோதனைகளுக்கு கூட மருத்துவமனைகளுக்கு செல்வதில்லை. இந்நிலையில் ஊரடங்கு கட்டுப்பாடுகளால், பொருட்கள் வருகை தடைப்பட்டு உள்ளது. இதனால் கருத்தடை சாதனங்களுக்கு தட்டுப்பாடு ஏற்படும்.

உலகம் முழுவதும், குறைந்த மற்றும் நடுத்தர வருவாய் கொண்ட 114 நாடுகளில் சுமார் 45 கோடி பெண்கள் கருத்தடை சாதனங்களை பயன்படுத்துகின்றனர். ஆனால், தட்டுப்பாடு காரணமாக, 4 கோடியே 70 லட்சம் பெண்களுக்கு கருத்தடை சாதனங்கள் கிடைக்காத நிலை ஏற்படும். இதனால், வரும் மாதங்களில், 70 லட்சம் எதிர்பாராத கர்ப்பங்கள் உருவாகும் என தெரிவிக்கப்பட்டு உள்ளது.

மேலும், ஆண்களும், பெண்களும் வீட்டிலேயே இருப்பதால், மோதல் சம்பவங்கள் நடைபெற வாய்ப்பு உள்ளது. குழந்தை திருமணங்கள் லட்சக்கணக்கில் அதிகரிக்கவும் இந்த ஊரடங்கு வழிவகுக்கும். இவற்றையெல்லாம் தடுப்பதற்கு அரசுகள் நடவடிக்கை எடுக்க வேண்டும் என ஐ.நா. ஆய்வு முடிவில் தெரிவிக்கப்பட்டு உள்ளது.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %