#IndiaFightsCorona தமிழகத்தில் இதுவரையில் இல்லாத வகையில் ஒரே நாளில் 161 பேருக்கு கொரோனா தொற்று, சென்னையில் கொரோனா வீரியம் குறையவில்லை…!

Read Time:1 Minute, 49 Second

தமிழகத்தில் கொரோனா வைரஸ் தொற்று பாதிப்பு நாளுக்கு நாள் அதிகரித்து வருகிறது.

சென்னையில் கொரோனாவின் வீரியம் சற்றும் குறையாமல் தொடர்ந்து ஆதிக்கம் செலுத்தி வருகிறது என அரசு வெளியிட்டு வரும் புள்ளி விபரங்கள் தெரிவிக்கின்றன. சென்னையில் முதல் முறையாக கொரோனாவினால் ஒரே நாளில் 136 பேர் பாதிக்கப்பட்டு உள்ளனர். இது குறித்து சுகாதாரத்துறை வெளியிட்ட செய்திக்குறிப்பில்,

தமிழகத்தில் இன்று ஒரே நாளில் 161 பேர் கொரோனா நோய் தொற்றால் பாதிக்கப்பட்டு உள்ளனர். இதனால் தமிழகத்தில் கொரோனா வைரசால் பாதிக்கப்பட்டவர்களின் எண்ணிக்கை 2,323 ஆக உயர்ந்துள்ளது. தமிழக மருத்துவமனையில் கொரோனா வைரசால் பாதிக்கப்பட்டு, சிகிச்சை முடிந்து 1,258 பேர் இதுவரை ‘டிஸ்சார்ஜ்’ செய்யப்பட்டு உள்ளனர். இதில் இன்று ஒரே நாளில் மட்டும் 48 பேர் ‘டிஸ்சார்ஜ்’ செய்யப்பட்டு உள்ளனர் என தெரிவிக்கப்பட்டு உள்ளது.

கொரோனா வைரசால் பாதிக்கப்பட்ட 161 பேரில், 138 பேர் சென்னையை சேர்ந்தவர்கள். இதன் மூலம், சென்னையில் கொரோனா பாதித்தவர்கள் எண்ணிக்கை 906 ஆக உயர்ந்துள்ளது. சென்னையை அடுத்து அதிகப்பட்சமாக கோவையில் இதுவரையில் 141 பேருக்கு கொரோனா வைரஸ் தொற்று உள்ளது. தமிழகத்தில் இன்றைய நிலவரப்படி 26 சிவப்பு மண்டலங்கள், 10 ஆரஞ்சு மண்டலங்கள், ஒரு பச்சை மண்டலம் (மாவட்டம்) உள்ளது.