#IndiaFightsCorona கொரோனா வைரஸ் பரவலை கட்டுப்படுத்த குளிர்சாதனங்களை கட்டுக்குள் வையுங்கள்…

Read Time:1 Minute, 5 Second

கோடை காலத்தில் மக்கள் எல்லோரும் குளிர்சாதனங்களை (ஏ.சி. எந்திரங்கள்) இயக்கி, சில்லென்ற குளிரில் நமது உடலை வைத்துக்கொள்ள விரும்புவார்கள்.

ஆனால் கொரோனா வைரஸ் பரவி வருகிற நிலையில் குளிர் அதற்கு சாதகமாக அமையும் என்ற எச்சரிக்கை விடுக்கப்படுகிறது.

இந்நிலையில், ஒவ்வொருவரும் வீடுகளில் உள்ள ஏ.சி. எந்திரங்களை 24 முதல் 30 டிகிரி என்ற அளவில் (இது இயல்பான குளிர்நிலையை மட்டும் தரும்) கட்டுப்பாட்டுக்குள் வைத்துக்கொள்ளுமாறு மத்திய அரசு அறிவுறுத்தி உள்ளது.

அதே போன்று ஈரப்பதத்தின் அளவையும் 40 முதல் 70 சதவீதத்துக்குள் இருக்குமாறு பார்த்துக்கொள்ளுமாறு அறிவுறுத்தப்பட்டு உள்ளது. இந்த அறிவுரைகள் கொரோனா வைரஸ் தாக்கத்தை கட்டுப்படுத்துவதற்கு என்பது குறிப்பிடத்தக்கது.