#IndiaFightsCorona இந்தியாவில் கொரோனா ஊரடங்கு 2 வாரங்கள் நீட்டிப்பு… மண்டலம் வாரியாக எவையெல்லாம் இயங்கலாம்…? முழு விபரம்:-

Read Time:7 Minute, 7 Second
Page Visited: 172
#IndiaFightsCorona இந்தியாவில் கொரோனா ஊரடங்கு 2 வாரங்கள் நீட்டிப்பு… மண்டலம் வாரியாக எவையெல்லாம் இயங்கலாம்…? முழு விபரம்:-

இந்தியாவில் கொரோனா வைரஸ் பரவலை கட்டுப்படுத்தும் வகையில் ஊரடங்கு மே 4-ம் தேதியை அடுத்தும் 2 வாரங்களுக்கு நீட்டிக்கப்பட்டு உள்ளது.

மத்திய உள்துறை அமைச்சகம் சிவப்பு (ஹாட்ஸ்பாட்), பச்சை மற்றும் ஆரஞ்சு மண்டலங்களாக பிரிக்கப்பட்டுள்ள மாவட்டங்களில் வெவ்வேறு நடவடிக்கைகளை ஒழுங்கு படுத்தும் வகையில் வழிகாட்டுதல்களை உள்துறை அமைச்சகம் வெளியிட்டுள்ளது.

ஊரடங்கு நீட்டிப்பில் பச்சை மண்டலம் மற்றும் ஆரஞ்சு மண்டலமாக வகைப்படுத்தப்பட்ட மாவட்டங்களில் “கணிசமான” அளவு ஊரடங்கு கட்டுப்பாட்டுகளில் தளர்வை அறிவித்து உள்ளது.

ஊரடங்கு 3.0 வின் போது எதற்கெல்லாம் அனுமதி வழங்கப்படுகிறது, எதற்கெல்லாம் தடை விதிக்கப்பட்டு உள்ளது என்பதை இங்கே தெரிந்துக்கொள்ளலாம்.

இந்தியா முழுவதும் தடைசெய்யப்பட்ட நடவடிக்கைகள் யாவை…?

* அத்தியாவசியமற்ற செயல்களுக்காக தனிநபர்கள் இரவு 7 மணி முதல் காலை 7 மணி வரை நடமாட தடை செய்யப்பட்டுள்ளது.


* சாலை, விமானம், ரெயில், மெட்ரோ மற்றும் மாநிலங்களுக்கு இடையேயான பயணங்களுக்கு தடை தொடர்கிறது. இருப்பினும், குறிப்பிட்ட சில அத்தியாவசிய நோக்கங்களுக்காக உள்துறை அமைச்சகத்தால் மாநிலங்களுக்கு இடையேயான போக்குவரத்துக்கு அனுமதி வழங்கப்படும்.


* பள்ளிகள், கல்லூரிகள் மற்றும் பிற கல்வி மற்றும் பயிற்சி நிறுவனங்கள் செயல்படுவதற்கு தடை தொடர்கிறது.


* ஓட்டல்கள், ரெஸ்டாரண்ட்கள் உள்ளிட்ட விருந்தோம்பல் சேவைகள்; சினிமா அரங்குகள், மால்கள், உடற்பயிற்சி கூடங்கள், விளையாட்டு வளாகங்கள் போன்ற பெரிய அளவு மக்கள் கூடும் இடங்கள் செயல்பட தடை தொடர்கிறது.


* கர்ப்பிணி பெண்கள், 10 வயதிற்குட்பட்ட குழந்தைகள் மற்றும் 65 வயதுக்கு மேற்பட்டவர்கள் வீட்டில் தங்க அறிவுறுத்தப்படுகிறார்கள்.


* அனைத்து வழிபாட்டுத் தலங்களும் நாடு முழுவதும் மூடப்படும்.


நான் ஒரு சிவப்பு மண்டல மாவட்டத்தில் வசிக்கிறேன். என்ன நடவடிக்கைகள் இங்கு அனுமதிக்கப்படுகின்றன….?

சிவப்பு மண்டலங்களில், கட்டுப்பாட்டு மண்டலங்களில் கூடுதலாக சில நடவடிக்கைகளுக்கு தடைசெய்யப்பட்டு உள்ளது. இவை பின்வருமாறு:-


* ரிக்‌ஷாக்கள் மற்றும் ஆட்டோ ரிக்‌ஷாக்களை இயக்குதல்; டாக்சிகள் இயங்குவதற்கு தடை விதிக்கப்படுகிறது.


* மாவட்டத்திற்கு உள்ளேயும், பிரிதொரு மாவட்டத்திற்கும் போக்குவரத்து சேவைக்கு தடை விதிக்கப்படுகிறது.


* முடிதிருத்தும் கடைகள், ஸ்பாக்கள் மற்றும் அழகு நிலையங்கள் இயங்க தடை விதிக்கப்படுகிறது.


* ஈ-காமர்ஸ் தளங்களால் அத்தியாவசிய பொருட்களை மட்டுமே வழங்க அனுமதிக்கப்படுகிறது.


சிவப்பு மண்டலத்தில் அனுமதிக்கப்படும் நடவடிக்கைகள் பின்வருமாறு:-

* அனுமதிக்கப்பட்ட நடவடிக்கைகளுக்கு மட்டுமே தனிநபர்கள் மற்றும் வாகனங்களின் இயக்கத்திற்கு அனுமதிக்கப்படுகிறது.


* நகர்ப்புறங்களில் உள்ள தொழில்துறை நிறுவனங்கள், அதாவது, சிறப்பு பொருளாதார மண்டலங்கள் (SEZ கள்), ஏற்றுமதி சார்ந்த துறைகளுக்கு அனுமதி வழங்கப்படுகிறது.


தற்போது அத்தியாவசியப் பொருட்களை வாங்க எந்த கடைகள் எல்லாம் இயங்க அனுமதி வழங்கப்பட்டுள்ளதோ, அவைகள் மட்டுமே இயங்கலாம்.


தனியார் அலுவலகங்கள் தேவைக்கேற்ப 33 சதவீத பணியாளர்களுடன் செயல்படலாம்.


* அச்சு மற்றும் மின்னணு ஊடகங்கள், தகவல் தொழில்நுட்ப மையங்கள், குளிர்ப்பதன சேமிப்பு கிடங்குகள், தனியார் பாதுகாப்பு போன்ற சேவைகளுக்கு அனுமதி வழங்கப்படுகிறது.


* கிராமப்புறங்களில் மகாத்மா காந்தி தேசிய ஊரக வேலை வாய்ப்பு உறுதி திட்டத்தின் பணியாற்றுபவர்கள் பணிகளை தொடரலாம்.கிராமப்புறங்களில் தொழில்துறை மற்றும் கட்டுமான நடவடிக்கைகள், உணவு பதப்படுத்தும் பிரிவுகள் மற்றும் செங்கல் சூளைகள் உள்ளிட்ட பணிகளுக்கு அனுமதி வழங்கப்படுகிறது.


ஆரஞ்சு மண்டலத்தில் நடவடிக்கைகள் எப்படி?

* ஆரஞ்சு மண்டலங்களில், சிவப்பு மண்டலத்தில் அனுமதிக்கப்பட்ட நடவடிக்கைகளுக்கு அதிகமாக கால் டாக்சிகள் இயங்க அனுமதி வழங்கப்படுகிறது. இங்கு ஓட்டுநர் ஒரு பயணிகயுடன் மட்டுமே பயணிக்கலாம்.


* மாவட்டங்களுக்கு இடையே தனிநபர்கள் மற்றும் வாகனங்கள் அனுமதிக்கப்பட்ட நடவடிக்கைகளுக்கு மட்டுமே பயணிக்கலாம்.


* நான்கு சக்கர வாகனங்களில் ஓட்டுநரை தவிர அதிகபட்சம் இரண்டு பயணிகள் இருக்கலாம். இரு சக்கர வாகனங்களில் ஒருவர் பின்னால் இருந்து பயணம் செய்ய அனுமதிக்கப்படும்.


பச்சை மண்டலத்தில் என்ன நடவடிக்கைகளுக்கு அனுமதி…?

பசுமை மண்டலங்களில், நாடு முழுவதும் தடைசெய்யப்பட்ட குறைந்த எண்ணிக்கையிலான நடவடிக்கைகள் தவிர பிற அனைத்து நடவடிக்கைகளும் அனுமதிக்கப்படுகின்றன.


50 சதவீதம் வரையில் இங்கு பேருந்துகள் இயங்க அனுமதி அளிக்கப்படுகிறது.


மதுபானக் கடைகள் விவகாரத்தில் நடவடிக்கை என்ன…?

பசுமை மண்டலங்களில் இடம்பெறும் மாவட்டங்களில் மதுபானக் கடைகள் மற்றும் பான் கடைகள் செயல்பட அனுமதிக்கப்படும். அதே நேரத்தில் ஒருவருக்கொருவர் ஆறு அடி தூரம் இடைவெளியை உறுதி செய்யும். ஒரே நேரத்தில் ஐந்து பேருக்கு மேல் அங்கு இருக்கக்கூடாது.


0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %