#IndiaFightsCorona கொரோனா நோயாளி இல்லாத மாவட்டமாக மாறும் நெல்லை, தூத்துக்குடி, குமரி, தென்காசி…

Read Time:4 Minute, 25 Second
Page Visited: 47
#IndiaFightsCorona  கொரோனா நோயாளி இல்லாத மாவட்டமாக மாறும் நெல்லை, தூத்துக்குடி, குமரி, தென்காசி…

நெல்லை, தூத்துக்குடி, கன்னியாகுமரி மற்றும் தென்காசி ஆகிய 4 தென் மாவட்டங்கள் கொரோனா நோயாளிகள் இல்லாத மாவட்டமாக மாறி வருகிறது.

நெல்லை

நெல்லை மாவட்டத்தில் கொரோனாவால் மொத்தம் 63 பேர் பாதிக்கப்பட்டனர். அவர்களுக்கு நெல்லை அரசு மருத்துவமனையில் சிகிச்சை அளிக்கப்பட்டு வந்தது. அதில் 53 பேர் குணமடைந்து வீடு திரும்பிவிட்டனர். மீதமுள்ள 10 பேருக்கு சிகிச்சை அளிக்கப்பட்டு வந்தது. நேற்று களக்காட்டை சேர்ந்த ஒருவர் குணமடைந்து வீடு திரும்பினார். இதனையடுத்து மற்ற 9 பேருக்கும் தொடர்ந்து சிகிச்சை அளிக்கப்பட்டு வருகிறது. தமிழக அரசின் புள்ளி விபரங்களின்படி நெல்லையில் நேற்று 7-வது நாளாக புதிதாக யாருக்கும் நோய் தொற்று ஏற்படவில்லை.

தென்காசி

தென்காசி மாவட்டத்தில் இதுவரையில் 38 பேர் கொரோனா தொற்றால் பாதிக்கப்பட்டனர். அதில் 2 பேர் தென்காசி அரசு மருத்துவமனையில் சிகிச்சை பெற்று வருகிறார்கள். 2 பேர் குணமடைந்து வீடு திரும்பி உள்ளனர். நெல்லை அரசு ஆஸ்பத்திரியில் சிகிச்சை பெற்று வந்த 34 பேரில் நேற்று முன்தினம் 3 பேர் குணமடைந்து வீடு திரும்பினர். நேற்று தென்காசியை சேர்ந்த ஒருவர் குணமடைந்து வீடு திரும்பி உள்ளார். தென்காசி மாவட்டத்திலும் நேற்று புதிதாக நோய் தொற்றால் யாரும் பாதிக்கப்படவில்லை. கடந்த 5 நாட்களாக அங்கு தொற்று பாதிப்பு இல்லை.

தூத்துக்குடி

தூத்துக்குடி மாவட்டத்தில் 27 பேர் கொரோனா வைரஸ் தொற்றால் பாதிக்கப்பட்டனர். இதில் 25 பேர் முழுமையாக குணமடைந்து ஏற்கனவே வீடு திரும்பி விட்டனர். ஒரு மூதாட்டி உயிரிழந்து உள்ளார். ஒருவருக்கு தூத்துக்குடி அரசு மருத்துவமனையில் தொடர்ந்து சிகிச்சை அளிக்கப்பட்டு வந்தது. அவரும் இன்று (வெள்ளிக்கிழமை) வீடு திரும்பினார். இதன்மூலம் கொரோனா நோயாளிகள் இல்லாத மாவட்டமாக தூத்துக்குடி மாறி உள்ளது. மாவட்டத்தில் கடந்த 12 நாட்களாக புதிதாக யாருக்கும் கொரோனா தொற்று ஏற்படவில்லை என்பது குறிப்பிடத்தக்கது.

கன்னியாகுமரி

கன்னியாகுமரி மாவட்டத்தில் கொரோனாவால் 16 பேர் பாதிக்கப்பட்டனர். கொரோனாவால் பாதிக்கப்பட்டவர்களில் 10 பேர் நோய்த்தொற்றில் இருந்து பூரண குணம் அடைந்து வீடு திரும்பிவிட்டனர். இன்னும் 6 பேர் மட்டுமே தொடர் சிகிச்சையில் இருந்து வருகிறார்கள். அவர்களும் விரைவில் குணமடைவார்கள் என்று எதிர்பார்க்கப்படுகிறது. கடந்த 14 நாட்களாக புதிதாக யாருக்கும் கொரோனா தொற்று ஏற்படாததால் சிவப்பு மண்டலமாக அறிவிக்கப்பட்ட குமரி மாவட்டம், விரைவில் கொரோனா தொற்று இல்லை என்று உருவாகி பச்சை மண்டலமாக மாறும் என்று எதிர்பார்க்கப்படுகிறது.

4 மாவட்டங்களிலும் கொரோனா நோயாளிகள் பூரண குணமடைந்து வீடு திரும்பி வருவதாலும், புதிதாக நோய் தொற்று ஏற்படாமல் இருப்பதும் மக்களிடையே நிம்மதியை ஏற்படுத்தியுள்ளது.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %