#Coronavirus உலகம் முழுவதும் 2 லட்சத்து 40 ஆயிரம் பேர் சாவு; பாதிப்பு 37 லட்சத்தை நெருங்கியது… எந்த நாடுகளில் பாதிப்பு அதிகம்…? விபரம்:-

Read Time:3 Minute, 50 Second
Page Visited: 132
#Coronavirus உலகம் முழுவதும் 2 லட்சத்து 40 ஆயிரம் பேர் சாவு; பாதிப்பு 37 லட்சத்தை நெருங்கியது… எந்த நாடுகளில் பாதிப்பு அதிகம்…? விபரம்:-

சீனாவின் உகான் நகரத்தில் கடந்த ஆண்டு டிசம்பரில் முதன்முதலாக தோன்றிய கொரோனா வைரஸ், இப்போது விஸ்வரூபம் எடுத்து விட்டது.

உலகம் முழுவதும் உயிர்க்கொல்லி நோயான கொரோனா வைரஸ் மக்களை வேட்டையாடி வருகிறது.

இந்த வைரஸ் தொற்றுநோய்க்கு இன்னும் மருந்தோ, தடுப்பூசியோ கண்டுபிடிக்கப்படவில்லை. உலக நாடுகள் அனைத்தும் அதன்முன் மண்டியிடுகிற நிலைதான் உள்ளது. இந்த தொற்றுநோய்க்கு எதிராக உலக நாடுகள் பலவும் ஒன்றிணைந்து போர் தொடுத்து உள்ளன. இருப்பினும் கொரோனா வைரசின் கைதான் ஓங்கி நிற்கிறது.

இந்த கொரோனா வைரஸ் தொற்று நோய் 3,566,804 பேரை தாக்கி உள்ளது. பல நாடுகள் இன்னும் கூடுதலான அறிகுறிகளுடன் இருப்பவர்களுக்குத்தான் பரிசோதனை நடத்துகின்றன என்பது குறிப்பிடத்தக்கது. இதுவரையில் வைரஸ் பாதிப்புக்கு 248,304 பேர் உயிரிழந்து உள்ளனர். பாதிப்பிலிருந்து குணம் அடைந்தவர்கள் எண்ணிக்கை 1,156,982 ஆக உள்ளது.

கொரோனா வைரஸ் பாதிப்புக்குள்ளானவர்களை அதிகளவில் கொண்டு, முதல் இடத்தில் இருப்பது வல்லரசு நாடான அமெரிக்கா. அங்கு மட்டும் 1,188,384 பேரை இந்த தொற்றுநோய் தாக்கி உள்ளது. அதற்கு அடுத்த நிலையில் ஐரோப்பிய நாடுகள்தான் அணிவகுத்து நிற்கின்றன.

கொரோனா வைரசிடம் இருந்து தப்பித்துக்கொள்ள அதனால் பாதிக்கப்பட்டவர்களை நெருங்காது இருப்பது மட்டுமே வழியாகும். முன்னெச்சரிக்கை தடுப்பு மற்றும் சுகாதார நடவடிக்கையின் மூலம் நம்மை கொரோனா வைரசிடம் இருந்து நம்மை தற்காத்துக்கொள்ளலாம். கொரோனா வைரசுக்கு எதிரானமருந்து கண்டுபிடிக்கும் பணியில் உலக நாடுகள் தீவிரமாக இறங்கி உள்ளன.

கொரோனா வைரஸ் பாதிப்பு முதலில் ஏற்பட்ட சீனாவை காட்டிலும் பிற நாடுகலில் அதிகமான பாதிப்பு கணப்படுகிறது. வைரசில் இருந்து மீண்டவர்கள் மீண்டும் பாதிக்கப்படும் அவலம் தொடர்கிறது. கொரோனாவினால் உயிரிழப்பு மற்றும் பாதிப்பு அதிகமாக உள்ள நாடுகளின் பட்டியல்:-

அமெரிக்கா

பாதிப்பு – 1,188,384
உயிரிழப்பு – 68,600


இத்தாலி

பாதிப்பு – 210,717
உயிரிழப்பு – 28,884


இங்கிலாந்து

பாதிப்பு – 186,599
உயிரிழப்பு – 28,446


ஸ்பெயின்

பாதிப்பு – 247,122
உயிரிழப்பு – 25,264


பிரான்ஸ்

பாதிப்பு – 168,693
உயிரிழப்பு – 24,895


பெல்ஜியம்

பாதிப்பு – 49,906
உயிரிழப்பு – 7,844


ஜெர்மனி

பாதிப்பு – 165,664
உயிரிழப்பு – 6,866


ஈரான்

பாதிப்பு – 97,424
உயிரிழப்பு – 6,203


நெதர்லாந்து

பாதிப்பு – 40,571
உயிரிழப்பு – 5,056


சீனா

பாதிப்பு – 82,880
உயிரிழப்பு – 4,633


ரஷியா, துருக்கி, கனடா உள்ளிட்ட நாடுகளும் அதிகமான பாதிப்பை எதிர்க்கொண்டு உள்ளன.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %