#IndiaFightsCorona தமிழகத்தில் கொரோனா பாதிப்பு 4 ஆயிரத்தை தாண்டியது: சென்னையில் மட்டும் 2,008 பேருக்கு பாதிப்பு.!

Read Time:1 Minute, 53 Second

தமிழகத்தில் கொரோனாவினால் பாதிக்கப்பட்டவர்கள் மற்றும் உயிரிழந்தவர்கள் எண்ணிக்கை மேலும் அதிகரித்துள்ளது.

தமிழகத்தில் கொரோனா வைரசினால் பாதிக்கப்பட்டவர்கள் எண்ணிக்கை 3550 ஆக இருந்தது. இன்று மேலும் 508 பேருக்கு புதியதாக கொரோனா வைரஸ் தொற்று உறுதி செய்யப்பட்டு உள்ளது என சுகாதாரத்துறை தரப்பில் தெரிவிக்கப்பட்டு உள்ளது.

இதனால் பாதிப்பு எண்ணிக்கை 4058 ஆக உயர்ந்து உள்ளது. இன்று 76 பேர் குணம் அடைந்து வீடு திரும்பி உள்ளனர். இதுவரையில் மொத்தமாக 1485 பேர் குணம் அடைந்து உள்ளனர். உயிரிழப்பு எண்ணிக்கையும் 33 ஆக உயர்ந்து உள்ளது. தலைநகர் சென்னையில் இன்று ஒரேநாளில் 279 பேருக்கு கொரோனா வைரஸ் தொற்று உறுதி செய்யப்பட்டு உள்ளது. இதனால், சென்னையில் மட்டும் பாதிக்கப்பட்டவர்களின் எண்ணிக்கையானது 2008 ஆக உயர்ந்து உள்ளது.

செங்கல்பட்டு மாவட்டத்தில் 38 பேருக்கும், கடலூரில் 68 பேருக்கும், திண்டுக்கலில் 7 பேருக்கும், கள்ளக்குறிச்சியில் 38 பேருக்கும், தேனியில் 5 பேருக்கும், திருவள்ளூரில் 18 பேருக்கும், விழுப்புரத்தில் 25 பேருக்கும், கிருஷ்ணகிரியில் இருவருக்கும், நாமக்கல்லில் 15 பேருக்கும், நீலகிரியில் 4 பேருக்கும், பெரம்பலூர், சேலம், தென்காசி, தருமபுரி, காஞ்சிபுரம், மதுரை, திருச்சி, விருதுநகரில் தலா ஒருவருக்கும் புதியதாக வைரஸ் பாதிப்பு உறுதி செய்யப்பட்டு உள்ளது.