#IndiaFightsCorona இந்தியாவிலும் கொரோனா தனது வேலையை காட்ட தொடங்கிவிட்டது… பாதிப்பு, பலி எண்ணிக்கையில் வேகம்…!

Read Time:5 Minute, 8 Second
Page Visited: 45
#IndiaFightsCorona இந்தியாவிலும் கொரோனா தனது வேலையை காட்ட தொடங்கிவிட்டது…  பாதிப்பு, பலி எண்ணிக்கையில் வேகம்…!

உலக நாடுகள் முழுவதிலும் தனது ஆதிக்கத்தை நிலைநாட்டிவரும் கொரோனா வைரஸ் தொற்று இந்தியாவிலும் தனது வேலையை காட்ட தொடங்கிவிட்டது.

ஆரம்பத்தில் இந்த வைரசால் தினந்தோறும் பாதிக்கப்படுபவர்களின் எண்ணிக்கை குறைவாக காணப்பட்டது.

இந்தியா வைரஸ் பரவ தொடங்கியதுமே ஊரடங்கு, சோதனை உள்ளிட்ட நடவடிக்கைகளை தீவிரப்படுத்தியது. இதனால் இந்தியா கொரோனா கட்டப்பாட்டுக்குள் வைத்தது. சரியான நேரத்தில் ஊரடங்கை அமல்படுத்தி கொரோனா பரவும் வேகத்தை இந்தியா கட்டுப்படுத்தி உள்ளது என்று உலக சுகாதார மையமே பாராட்டியது. ஆனாலும் வைரஸ் பரவல் தொடர்ந்து இருந்தது.

மே மாதம் தொடங்கியதும் வைரசினால் பாதிக்கப்படுபவர்கள் எண்ணிக்கை இந்தியா முழுவதும் புதிய உச்சத்தை எட்டியது. கடந்த சில தினங்களாக நிலைமை மோசமடைய தொடங்கி உள்ளது.
ஆரம்பத்தில் தினசரி வைரஸ் பாதிப்புக்கு உள்ளாவோரின் எண்ணிக்கை 500-க்கும் கீழே இருந்த நிலை மாறி, திடீரென ஆயிரத்துக்கும் அதிகமானோர் பாதிக்கப்பட்டனர். உச்சபட்சமாக கடந்த 2-ம் தேதி 2,411 பேர் கொரோனா வைரசால் பாதிக்கப்பட்டனர். இதையடுத்து தொடர்ந்து வேகமெடுத்த கொரோனா அடுத்தடுத்த நாட்களில் முறையே 2,487, 2,573, 3,875 பேரை பாதிப்புக்கு உள்ளாக்கியது.

இந்தியாவில் கொரோனா வைரஸ் ஏற்படுத்தும் பாதிப்பு குறித்து மத்திய சுகாதாரத்துறை அமைச்சகம் ஒவ்வொரு நாளும் காலை மற்றும் மாலையில் இருமுறை அறிவித்து வந்தது. இந்தநிலையில் இனி காலையில் மட்டுமே இந்த அறிவிப்பு வெளியிடப்படும் என்று தெரிவித்தது.

இன்று காலை வெளியிட்ட புள்ளி விவரத்தில் கொரோனாவால் புதிதாக 3,561 பேர் பாதிக்கப்பட்டுள்ளதாக கூறப்பட்டுள்ளது. இதன் மூலம் நாடு முழுவதும் இந்த வைரஸ் தொற்றுக்கு ஆளானவர்களின் எண்ணிக்கை 52,952 ஆக அதிகரித்துள்ளது. மேலும் இந்த கொரோனா தாக்குதலில் சிக்கி பலியானவர்கள் எண்ணிக்கையும் 1,783 ஆக உயர்ந்துள்ளது. அதன்படி ஒரே நாளில் 89 பேர் கொரோனாவுக்கு பலியாகி உள்ளனர்.

இந்தியாவில் 35,902 பேர் மருத்துவமனைகளில் சிகிச்சை பெற்று வருகின்றனர். இந்தியாவில் மொத்த கொரோனா வைரஸ் பாதிப்பில் 30 சதவீதம் பேர் குணம் அடைந்து உள்ளனர்.

இந்தியாவில் கொரோனாவால் அதிகம் பாதிக்கப்பட்ட முதல் மூன்று மாநிலங்களாக மராட்டியம், குஜராத், டெல்லி உள்ளன. மராட்டியத்தில் கொரோனா தொற்றுக்கு ஆளானவர்களின் எண்ணிக்கை 15 ஆயிரத்தை கடந்துவிட்டது. அங்கு மொத்தம் 16,758 பேரை பாதிப்புக்கு உள்ளாக்கியுள்ள கொரோனா, 650 பேரின் உயிரையும் பறித்துவிட்டது. மும்பையில் மட்டுமே 10 ஆயிரத்திற்கும் அதிகமானோர் கொரோனா வைரசினால் பாதிக்கப்பட்டு உள்ளனர்.

தமிழகமும் இதுவரையில் இல்லாத வகையில் கொரோனா பாதிப்பு எண்ணிக்கையை எதிர்க்கொண்டுள்ளது. 24 மணி நேரங்களில் 771 பேருக்கு கொரோனா வைரஸ் உறுதி செய்யப்பட்டதால் பாதிப்பு எண்ணிக்கை 4,829 ஆக உயர்ந்து உள்ளது.

மாநிலம் வாரியாக பாதிப்பு விபரம்:-

அந்தமான் மற்றும் நிக்கோபார் தீவுகள் – 33
ஆந்திரா – 1,777
அசாம் – 45
பீகார் – 542
சண்டிகார் – 120
சத்தீஷ்கார் – 59
தாதர் நகர் ஹவேலி – 1
டெல்லி – 5,532
குஜராத் – 6,6625
அரியானா – 594
இமாச்சலப் பிரதேசம் – 45
ஜம்மு-காஷ்மீர் – 775
ஜார்க்கண்ட் – 127
கர்நாடகா – 693
கேரளா – 503
லடாக் – 41
மத்தியப் பிரதேசம் – 3,138
மகாராஷ்டிரா – 16,758
மேகாலயா – 12
மிசோரம் – 1
ஒடிசா – 185
புதுச்சேரி – 9
பஞ்சாப் – 1,516
ராஜஸ்தான் – 3,371
தமிழ்நாடு – 4,829
தெலுங்கானா – 1,107
திரிபுரா – 43
உத்தரகண்ட் – 61
உத்தரபிரதேசம் – 2,998
மேற்கு வங்காளம் – 1,456

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %