தமிழகத்தில் கொரோனா பாதிப்பு 6 ஆயிரத்தை தாண்டியது; உயிரிழப்பும் அதிகரிப்பு..!

Read Time:4 Minute, 22 Second
Page Visited: 67
தமிழகத்தில் கொரோனா பாதிப்பு 6 ஆயிரத்தை தாண்டியது; உயிரிழப்பும் அதிகரிப்பு..!

தமிழகத்தில் கொரோனா வைரஸ் தொற்றின் தாக்கத்தை கட்டுப்படுத்த தமிழக அரசு பல்வேறு நடவடிக்கைகள் எடுத்து வருகிறது. ஆனால், கொரோனாவின் வேகம் அதிகரித்த வண்ணமே உள்ளது. தொடக்கத்தில் அரசு மேற்கொண்ட நடவடிக்கைகளுக்கு மக்கள் போதிய அளவு ஒத்துழைப்பு அளிக்காததின் விளைவு இன்று தமிழகம் இதுபோன்ற நிலைக்கு காரணமாகியுள்ளது.

தமிழகத்தில் நேற்று ஒரே நாளில் கொரோனா நோய் தொற்றால் 600 பேர் பாதிக்கப்பட்டு உள்ளனர். இதில் சென்னையில் மட்டும் 399 பேர் பாதிக்கப்பட்டு உள்ளனர் என அரசு தரப்பில் தெரிவிக்கப்பட்டுள்ளது. இதனால், கொரோனா வைரசால் பாதிக்கப்பட்டவர்களின் எண்ணிக்கை 6 ஆயிரத்தை தாண்டி உள்ளது.

இதில் சென்னையில் மட்டும் 3 ஆயிரத்து 43 பேருக்கு இதுவரை நோய் தொற்று கண்டறியப்பட்டுள்ளது. மேலும் தமிழகத்தில் 3 பேர் உயிரிழந்துள்ளனர். இதனால் உயிரிழந்தவர்களின் எண்ணிக்கை 40 ஆக உயர்ந்து உள்ளது.

நேற்று தமிழகத்தில் கொரோனா பாதிப்பு குறித்து சுகாதாரத்துறை வெளியிட்டுள்ள செய்திக்குறிப்பில், தமிழகத்தில் நேற்று ஒரே நாளில் 405 ஆண்கள், 195 பெண்கள் என 600 பேருக்கு கொரோனா வைரஸ் பாதிப்பு இருப்பது தெரியவந்து உள்ளது. இதன் மூலம் தமிழகத்தில் கொரோனா பாதித்தோரின் எண்ணிக்கை 6 ஆயிரத்து 9 ஆக உயர்ந்துள்ளது.

தமிழகத்தில் 1,605 பேர் இதுவரை குணமடைந்து மருத்துவமனைகளில் இருந்து ‘டிஸ்சார்ஜ்’ செய்யப்பட்டு உள்ளனர். நேற்று 31 பேர் ‘டிஸ்சார்ஜ்’ செய்யப்பட்டு உள்ளனர். தமிழகத்தில் நேற்று 28 குழந்தைகளுக்கு கொரோனா நோய் தொற்று ஏற்பட்டு உள்ளது. இதில் சென்னையில் மட்டும் 25 குழந்தைகள் பாதிக்கப்பட்டு உள்ளனர்.

தமிழகத்தில் நேற்று பாதிக்கப்பட்ட 600 பேரில்,1½ வயது பெண் குழந்தை உட்பட 23 குழந்தைகள் மற்றும் 376 பேர் சென்னையை சேர்ந்தவர்கள். திருவள்ளூரில் 4 வயது குழந்தை உட்பட 2 குழந்தைகள் மற்றும் 73 பேரும், கடலூரில் 5 வயது ஆண் குழந்தை உட்பட 2 குழந்தைகள் மற்றும் 34 பேரும், செங்கல்பட்டில் 26 பேரும், விழுப்புரத்தில் 21 பேரும், திருவண்ணாமலையில் 11 பேரும், காஞ்சீபுரம் மற்றும் கன்னியாகுமரியில் தலா 8 பேரும், விருதுநகரில் 3 பேரும், நெல்லையில் 4 பேரும், கிருஷ்ணகிரி, மதுரை, தர்மபுரி ஆகிய மாவட்டங்களில் தலா 2 பேரும், திருச்சி, திருப்பத்தூர், தேனி, தென்காசி மற்றும் ராமநாதபுரம் ஆகிய மாவட்டங்களில் தலா ஒருவரும் கொரோனா நோய் தொற்றால் பாதிக்கப்பட்டு உள்ளனர்.

மேலும் நோய் தொற்றால் மூன்று பேர் உயிரிழந்து உள்ளனர். இதனால், தமிழகத்தில் கொரோனா வைரசால் உயிரிழந்தவர்களின் எண்ணிக்கை 40 ஆக உயர்ந்துள்ளது என தெரிவிக்கப்பட்டு உள்ளது.

இன்று கொரோனா தொற்று காரணமாக சென்னையில் ராஜீவ்காந்தி, கீழ்ப்பாக்கம் அரசு மருத்துவமனைகளில் சிகிச்சை பெற்றுவந்த மேலும் 2 பெண்கள் உயிரிழந்து உள்ளனர்.

தமிழகத்தில் கோயம்பேடு சந்தையுடன் தொடர்புடைய கொரோனா பாதிப்பு அதிகரித்து வருகிறது.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %