#IndiaFightsCorona கொரோனா நோயாளிகளை வீட்டுக்கு அனுப்பும் கொள்கையில் மாற்றம்… மத்திய அரசின் அறிவிப்பு என்ன…?

Read Time:5 Minute, 27 Second
Page Visited: 63
#IndiaFightsCorona கொரோனா நோயாளிகளை வீட்டுக்கு அனுப்பும் கொள்கையில் மாற்றம்… மத்திய அரசின் அறிவிப்பு என்ன…?

மருத்துவமனைகளில் இருந்து கொரோனா நோயாளிகளை வீட்டுக்கு அனுப்பும் கொள்கையில் மத்திய அரசு திடீர் மாற்றம் செய்துள்ளது.


லேசான பாதிப்பு உள்ளவர்களுக்கு மீண்டும் பரிசோதனை தேவையில்லை.


அவர்கள் அடுத்த 7 நாட்கள் வீட்டில் தனிமைப்படுத்திக்கொண்டு இருக்க வேண்டும் என அறிவிக்கப்பட்டுள்ளது.


இந்தியாவில் நாளுக்கு நாள் கொரோனா வைரஸ் தொற்று அதிகமாகி வருகிறது.

இந்நிலையில் பாதிப்புக்குள்ளாகி மருத்துவமனைகளில் சிகிச்சை பெறுகிறவர்களை வீட்டுக்கு அனுப்பி வைப்பதற்கான கொள்கையில் மத்திய அரசு அதிரடியாக மாற்றத்தை கொண்டு வந்துள்ளது.

கொரோனா வைரஸ் ஒருவரிடம் இருந்து மற்றொருவருக்கு விரைவாக பரவும் காரணத்தினால் கடுமையான பாதுகாப்பு நடவடிக்கைகள் அவசியமாகிறது. பாதிக்கப்பட்ட நோயாளிகளை வீட்டிற்கு அனுப்பும் விவகாரத்திலும் கடுமையாக நடவடிக்கைகள் மேற்கொள்ளப்பட்டு வருகிறது. இதுவரை கொரோனா உறுதியாகி, மருத்துவமனைகளில் அனுமதிக்கப்பட்டு சிகிச்சை பெறுகிற ஒருவரை வீட்டுக்கு அனுப்புவது என்றால் 14-வது நாளில் மீண்டும் பரிசோதனை செய்ய வேண்டும், அதில் கொரோனா பாதிப்பு இல்லை என்று முடிவு வந்தால், மீண்டும் 24 மணி நேரத்தில் மறுபரிசோதனை செய்ய வேண்டும்.

அப்போதும் கொரோனா வைரஸ் பாதிப்பு இல்லை என்று உறுதி செய்தால் மட்டுமே பாதிப்புக்குள்ளானவர், ஆஸ்பத்திரியில் இருந்து வீட்டுக்கு அனுப்பி வைக்கப்படுவார்.

இப்போது மத்திய அரசின் மாற்றம் செய்யப்பட்ட கொள்கையானது வைரஸ் பாதிப்பின் தீவிரத்தின் அடிப்படையில் 3 விதங்களில் நோயாளிகளை வகைப்படுத்துகிறது. அதற்கேற்ப அவர்களது ‘டிஸ்சார்ஜ்’ முறையில் மாற்றம் கொண்டு வரப்பட்டு உள்ளது.

> எச்.ஐ.வி. நோயாளிகள், உறுப்பு மாற்று அறுவை சிகிச்சை செய்து கொண்டவர்கள், புற்றுநோயாளிகள் உள்பட கடுமையான பாதிப்புக்குள்ளானவர்களை சிகிச்சை முடிந்து அனுப்பும்போது கொரோனா வைரஸ் பரிசோதனை செய்து தொற்று இல்லை என்பதை உறுதி செய்து அனுப்ப வேண்டும்.

> மிதமான பாதிப்புக்குள்ளானவர்களை உடல் வெப்ப நிலை, ஆக்சிஜன் நுகர்வு ஆகியவற்றை கண்காணித்து, 3 நாளில் காய்ச்சல் குணமான நிலையில், அடுத்த 4 நாட்களுக்கு ஆக்சிஜன் ஆதரவு இல்லாமல் பராமரித்து, 10 நாட்களுக்கு பின்னர் அவர்களை அனுப்பிவிடலாம். அவ்வாறு அவர்களை அனுப்பும்போது மருத்துவ பரிசோதனையை செய்ய தேவையில்லை. வீடு சென்றதும் அடுத்த 7 நாட்கள் வீட்டில் தனிமைப்படுத்திக்கொண்டு இருக்க வேண்டும் என்று அறிவுறுத்த வேண்டும்.

> லேசான, மிகவும் லேசான பாதிப்புடன் முன் அறிகுறி இருந்தவர்களின் வெப்ப நிலையையும், நாடித்துடிப்பையும் தொடர்ந்து கண்காணிக்க வேண்டும். அறிகுறி தோன்றிய 10 நாளில், 3 நாட்களுக்கு காய்ச்சல் இல்லை என்றால் அனுப்பிவிடலாம். அவர்களுக்கு கொரோனா பரிசோதனையை மேற்கொள்ள தேவையில்லை. அவர்கள் வீட்டில் மேலும் 7 நாட்கள் தனிமைப்படுத்தி கொள்ள வேண்டும்.

> மருத்துவமனைகளில் இருந்து டிஸ்சார்ஜ் செய்வதற்கு முன் ஆக்சிஜன் நுகர்வு 95 சதவீதத்துக்கு குறைவாக இருந்தால், நோயாளி கொரோனா பராமரிப்பு மையத்துக்கு மாற்றப்படுவார். அங்கிருந்து வீட்டுக்கு அனுப்பி வைக்கப்பட்ட பின்னர் மீண்டும் காய்ச்சல், இருமல், சுவாச பிரச்சினை ஏற்பட்டால் கொரோனா பராமரிப்பு மையம் அல்லது மாநில அரசின் ஹெல்ப்லைன் அல்லது எண் 1075-ஐ தொடர்பு கொள்ள வேண்டும். அவரது உடல்நிலை 14 நாட்கள் தொலை தொடர்பு சாதனம் வழியாக கண்காணிக்கப்படும் என தெரிவிக்கப்பட்டு உள்ளது.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %