தமிழகத்தில் புதிதாக 60 குழந்தைகளுக்கு கொரோனா வைரஸ் பாதிப்பு; உயிரிழப்பு அதிகரிப்பு..!

தமிழகத்தில் கொரோனா வைரஸ் பாதிப்பை கட்டுப்படுத்த ஊரடங்கு அமலில் உள்ளது. தற்போது ஊரடங்கில் பல்வேறு கெடுபிடிகள் தளர்த்தப்பட்டு உள்ளன. தமிழகத்தில் கொரோனா வைரசின் பாதிப்பு மே மாதம் தொடங்கிய முதல் மிக வேகமாக அதிகரித்து வருகிறது. மேலும், கொரோனா நோய் தொற்றால் உயிரிழந்தவர்களின் எண்ணிக்கையும் அதிகரித்த வண்ணம் உள்ளது.

தமிழகத்தில் நேற்று கொரோனா பாதிப்பு குறித்து சுகாதாரத்துறை வெளியிட்ட செய்திக்குறிப்பில், தமிழகத்தில் நேற்று 21 மாவட்டங்களில் புதிதாக நோய் தொற்று கண்டறியப்பட்டுள்ளது என தெரிவிக்கப்பட்டு உள்ளது.

நேற்று ஒரே நாளில் 716 பேர் கொரோனா நோய் தொற்றால் பாதிக்கப்பட்டு உள்ளனர். இதன் மூலம் தமிழகத்தில் கொரோனா பாதித்தோரின் எண்ணிக்கை 8 ஆயிரத்து 718 ஆக உயர்ந்து உள்ளது எனவும் தெரிவிக்கப்பட்டுள்ளது.

தமிழக மருத்துவமனையில் கொரோனா வைரசால் பாதிக்கப்பட்ட 6 ஆயிரத்து 520 பேர் சிகிச்சை பெற்று வருகின்றனர். சிகிச்சை பெற்று குணமடைந்து 2 ஆயிரத்து 134 பேர் டிஸ்சார்ஜ் செய்யப்பட்டு உள்ளனர். நேற்று ஒரே நாளில் 83 பேர் குணமடைந்து வீடு திரும்புள்ளனர்.

தமிழகத்தில் நேற்று ஒரே நாளில் 12 வயதுக்கு உட்பட்ட 60 குழந்தைகள் பாதிக்கப்பட்டு உள்ளனர்.

இதுவரையில் 12 வயதுக்கு உட்பட்ட குழந்தைகளில் 261 ஆண்கள் மற்றும் 226 பெண்கள் என 487 குழந்தைகள் பாதிக்கப்பட்டு உள்ளனர்.

தமிழகத்தில் நேற்று அதிகப்பட்சமாக சென்னையில் 46 குழந்தை உட்பட 510 பேர் பாதிக்கப்பட்டு உள்ளனர்.

அரியலூரில் 36 பேரும், செங்கல்பட்டில் 6 குழந்தைகள் உட்பட 35 பேரும், பெரம்பலூர், திருவள்ளூர் ஆகிய மாவட்டங்களில் தலா 27 பேரும், காஞ்சீபுரத்தில் 24 பேரும், திருவண்ணாமலையில் 13 பேரும், ராணிப்பேட்டையில் 2 வயது ஆண் குழந்தை உட்பட 9 பேரும், தேனியில் 7 பேரும், விருதுநகர், கரூர், விமான நிலைய முகாமில் தலா 4 பேரும், நெல்லையில் 3 பேரும், திண்டுக்கல், கள்ளக்குறிச்சி, தூத்துக்குடி, திருச்சி ஆகிய மாவட்டங்களில் தலா 2 பேரும், வேலூர், விழுப்புரம், தென்காசி, கடலூர் ஆகிய மாவட்டங்களில் தலா ஒருவரும் கொரோனா நோய் தொற்றால் பாதிக்கப்பட்டு உள்ளனர் என தெரிவிக்கப்பட்டுள்ளது.

சென்னையில் நேற்று ஒரே நாளில் 8 பேர் உயிரிழந்தது தெரியவந்து உள்ளது. இதனால் தமிழகத்தில் உயிரிழந்தவர்களின் எண்ணிக்கை 61 ஆக உயர்ந்து உள்ளது. சென்னையில் மட்டும் இதுவரையில் 39 பேர் கொரோனா நோய் தொற்றால் உயிரிழந்துள்ளது உறுதி செய்யப்பட்டுள்ளது.

Next Post

தமிழகத்தில் கொரோனா பாதிப்பு எண்ணிக்கை 9 ஆயிரத்தை தாண்டியது, சென்னையில் தொடர்ந்து அதிகரிப்பு.!

Thu May 14 , 2020
தமிழகத்தில் கொரோனா வைரஸ் பாதிப்பு தினசரி அதிகரித்து வருகிறது. சென்னை மாவட்டத்தில் தொடர்ந்து பாதிக்கப்படுகிறவர்களின் எண்ணிக்கை உயர்ந்து வருகிறது. தமிழகத்தில் நேற்று கொரோனா வைரஸ் பாதிப்பு குறித்து சுகாதாரத்துறை வெளியிட்ட செய்திக்குறிப்பில், மாநிலத்தில் நேற்று ஒரே நாளில் 509 பேர் கொரோனா நோய் தொற்றால் பாதிக்கப்பட்டு உள்ளனர். இதனால் பாதிக்கப்பட்டவர்களின் எண்ணிக்கை 9 ஆயிரத்து 227 ஆக உயர்ந்து உள்ளது. தமிழகத்தில் இதுவரை பாதிக்கப்பட்டவர்களில் 6 ஆயிரத்து 984 பேர் […]

அதிகம் வாசிக்கப்பட்டவை