இந்தியாவில் கொரோனா பாதிப்பு 1 லட்சத்தை தாண்டியது… இதில் மே மாதம் மட்டும் 67 சதவீத பாதிப்பு பதிவாகியுள்ளது…!

இந்தியாவில் கொரோனா தொற்றால் பாதிக்கப்படுபவர்களின் எண்ணிக்கை தொடர்ந்து அதிகரித்த வண்ணம் இருக்கிறது. தினந்தோறும் இந்த வைரஸ் தொற்றால் பாதிக்கப்படுபவர்கள் மற்றும் உயிரிழப்பவர்கள் எண்ணிக்கை அதிகரித்து காணப்படுகிறது.

இந்தியாவில் இதுவரை இல்லாத அளவில் 24 மணி நேரத்தில் 5,242 பேரை பாதிப்புக்கு உள்ளாக்கியது. இந்த வைரஸ் தொற்றால் பலியானவர்கள் எண்ணிக்கை 3 ஆயிரத்தை கடந்தது. உலக நாடுகளை அச்சுறுத்தி வரும் கொரோனா, இந்தியாவிலும் வேகம் எடுக்கிறது.

வைரஸ் பரவுவதை தடுக்க ஏற்கனவே பிறப்பிக்கப்பட்ட 3-ம் கட்ட ஊரடங்கு முடிவுக்கு வந்த நிலையில், நேற்று 4-ம் கட்ட ஊரடங்கு அமலுக்கு வந்தது. ஆனாலும் கொரோனா தனக்கு எதிராக போடப்படும் அத்தனை தடைகளையும் தகர்த்து எறிந்துவிட்டு, பலரையும் தாக்கி வருகிறது. அந்த வகையில் நேற்று முன்தினம் (மே 17) 5,242 பேரை கொரோனா பாதிப்புக்கு உள்ளாக்கியதாக மத்திய சுகாதாரத்துறை அமைச்சகம் வெளியிட்ட புள்ளிவிபரம் தெரிவித்தது.

இந்தியாவில் நேற்று (மே 18) காலையில் இருந்து இன்று காலை 8 மணி வரையில் பதிவான கொரோனா பாதிப்பு எண்ணிக்கையை அரசு வெளியிட்டுள்ளது. அதன்படி, 24 மணி நேரங்களில் 4,970 பேர் புதிதாக பாதிக்கப்பட்டு உள்ளனர். 134 பேர் உயிரிழந்து உள்ளனர். இதனால், இந்தியாவில் பாதிப்பு எண்ணிக்கையானது 1,01,139 ஆக அதிகரித்து உள்ளது. உயிரிழப்பு எண்ணிக்கையும் 3163 ஆக உயர்ந்து உள்ளது.

கொரோனாவினால் பாதிக்கப்பட்ட 58,802 பேர் மருத்துவமனையில் சிகிச்சை பெற்று வருகிறார்கள் எனவும் 39,173 பேர் குணம் அடைந்து உள்ளனர் எனவும் அரசு தரப்பில் தெரிவிக்கப்பட்டுள்ளது.

இந்தியாவில் மே மாதத்தில் மட்டுமே கொரோனா வைரைசின் தாக்கம் மிகவும் அதிகமாக உள்ளது என்பது தெரிகிறது. அதாவது கடந்த 18 நாட்களில் மட்டும் மொத்த பாதிப்பில் 67 சதவீத பாதிப்பு நேரிட்டுள்ளது. ஏப்ரல் இறுதியில் இந்தியாவில் கொரோனாவினால் பாதிக்கப்பட்டவர்கள் எண்ணிக்கை 33,610 ஆக இருந்தது. இப்போது, 67 ஆயிரத்திற்கும் அதிகமானோர் பாதிக்கப்பட்டு எண்ணிக்கை ஒரு லட்சத்தை தாண்டியுள்ளது.

Next Post

இந்தியாவில் கொரோனா பாதிப்பு 1.06 லட்சத்தை எட்டியது; இதுவரையில் காணாத வகையில் தினசரி பாதிப்பு, உயிரிழப்பு அதிகரிப்பு...

Wed May 20 , 2020
இந்தியாவில் ஊரடங்கையும் மீறி கொரோனா வைரஸ் தொற்று பரவல் அதிகரித்து வருகிறது. மே மாதம் தொடங்கியதும் தினசரி பாதிக்கப்படுபவர்களின் எண்ணிக்கையானது 3 ஆயிரத்தை எட்டியது. பின்னர் இந்த எண்ணிக்கையானது 4 ஆயிரத்தையும், 5 ஆயிரத்தையும் எட்டிவருகிறது. இந்தியாவில் கொரோனா பாதிப்பு 100-ல் இருந்து 1 லட்சத்தை, 64 நாட்களில் எட்டியுள்ளதாக நேற்று (மே 19) மத்திய சுகாதாரத்துறை அமைச்சகம் தெரிவித்திருந்தது. இந்நிலையில் கொரோனாவால் கடந்த 24 மணி நேரத்துக்குள் 4,970 […]

அதிகம் வாசிக்கப்பட்டவை