தமிழகத்துக்கு வெளிநாடுகளில் இருந்து விமானம் மூலம் வந்த 54 பேருக்கு கொரோனா தொற்று…

தமிழகத்தில் கொரோனா வைரஸ் தொற்று பாதிப்பு அதிகரித்து வரும் சூழலில் 25 மாவட்டங்களில் ஊரடங்கு தளர்த்தப்பட்டுள்ளது. தற்போது வெளி மாநிலங்கள் மற்றும் வெளிநாடுகளில் இருந்து வந்த பலர் தமிழகத்தில் உள்ள பல்வேறு மாவட்டங்களில் புதிதாக பாதிக்கப்படுகின்றனர். இதனால் வெளிநாடு மற்றும் வெளிமாநிலங்களில் இருந்து வந்தவர்களில் பாதிக்கப்படுவதை கண்டறிவது சவாலாக மாறியுள்ளது. தலைநகர் சென்னையில் பாதிக்கப்படுகிறவர்களின் எண்ணிக்கை தொடர்ந்து அதிகரித்து வருகிறது.

கொரோனா வைரஸ் பாதிப்பு குறித்து சுகாதாரத்துறை வெளியிட்டுள்ள செய்திக்குறிப்பில், தமிழகத்தில் கொரோனா வைரசால் புதிதாக 688 பேர் பாதிக்கப்பட்டு உள்ளனர். இதனால் பாதிக்கப்பட்டவர்களின் எண்ணிக்கை 12 ஆயிரத்து 448 ஆக அதிகரித்து உள்ளது. புதியதாக பாதிக்கப்பட்டவர்களில் துபாயில் இருந்து வந்த 23 பேரும், மாலத்தீவில் இருந்து வந்த ஒருவரும், துபாய், மலேசியா, குவைத் ஆகிய நாடுகளில் இருந்து வந்து 7 நாட்கள் தனிமைப்படுத்தப்பட்டு வீடு திரும்ப இருந்த 13 பேரும், மராட்டியத்தில் இருந்து வந்த 49 பேரும், கேரளாவில் இருந்து வந்த ஒருவரும் கொரோனா நோய் தொற்றால் பாதிக்கப்பட்டது தெரியவந்துள்ளது.

தமிழகத்தில் நேற்று ஒரே நாளில் 3 முதியோர் சிகிச்சை பலனின்றி உயிரிழந்து உள்ளனர். இதனால் தமிழகத்தில் உயிரிழந்தவர்களின் எண்ணிக்கை 84 ஆக அதிகரித்து உள்ளது. தமிழக மருத்துவமனையில் 489 பேர் குணமடைந்து ‘டிஸ்சார்ஜ்’ செய்யப்பட்டு உள்ளனர். இதுவரை 4 ஆயிரத்து 895 பேர் குணமடைந்து ‘டிஸ்சார்ஜ்’ செய்யப்பட்டு உள்ளனர். தமிழகத்தில் நேற்று 19 மாவட்டங்களில் புதிதாக நோய் தொற்று பாதிக்கப்பட்டுள்ளது தெரியவந்துள்ளது. அதிகப்பட்சமாக செனனியில் 552 பேர் பாதிக்கப்பட்டு உள்ளனர்.

செங்கல்பட்டில் 22 பேரும், நெல்லையில் 20 பேரும், கள்ளக்குறிச்சியில் 11 பேரும், திருவள்ளூரில் 8 பேரும், கரூர், தூத்துக்குடியில் தலா 6 பேரும், காஞ்சீபுரம், கன்னியாகுமரியில் தலா 5 பேரும், தஞ்சாவூர், திண்டுக்கல் ஆகிய மாவட்டங்களில் தலா 3 பேரும், ராமநாதபுரம், கடலூர், தென்காசியில் தலா 2 பேரும், நாகப்பட்டினம், ராணிப்பேட்டை, தேனி, திருச்சி, விருதுநகர் ஆகிய மாவட்டங்களில் தலா ஒருவரும், விமான நிலைய முகாமில் 36 பேரும் கொரோனா வைரசால் பாதிக்கப்பட்டுள்ளது தெரியவந்துள்ளது.

இதுவரை வெளிநாடுகளில் இருந்து தமிழகம் வந்த 54 பேருக்கும், வெளிநாடுகளில் இருந்து வந்து விமான நிலைய முகாம்களில் 7 நாட்கள் தனிமைப்படுத்தப்பட்டு, வீடு திரும்ப இருந்த 18 பேருக்கும் கொரோனா பாதிப்பு இருப்பது கண்டறியப்பட்டு உள்ளது. தமிழகத்தில் நேற்று 12 வயதுக்கு உட்பட்ட 38 குழந்தைகளும், 60 வயதுக்கு மேற்பட்ட 63 முதியவர்களும் கொரோனா வைரசால் பாதிக்கப்பட்டு உள்ளனர் என தெரிவிக்கப்பட்டுள்ளது.

Next Post

கொரோனா வைரஸ் பரவலை பயன்படுத்தி வங்கி கணக்கில் இருந்து பணத்தை சுருட்ட நவீன மோசடி - சி.பி.ஐ. எச்சரிக்கை

Wed May 20 , 2020
கொரோனா வைரஸ் பரவலை பயன்படுத்தி வங்கி கணக்கில் இருந்து பணத்தை சுருட்ட நவீன மோசடி நடப்பதாக சி.பி.ஐ. எச்சரிக்கை விடுத்து உள்ளது. இந்தியாவில் கொரோனா வைரஸ் பரவலை கட்டுப்படுத்தும் வகையில் ஊரடங்கு அமல்படுத்தப்பட்டு உள்ளது. இந்த காலக்கட்டத்தில் ‘பாங்கிங் ட்ரோஜன் செர்பரஸ்’ என்று அழைக்கப்படும் மென்பொருளை பயன்படுத்தி, வங்கிகளில் உள்ள வாடிக்கையாளர்களின் பணத்தை திருட நவீன தொழில்நுட்ப மோசடி ஒன்று அரங்கேறி வருகிறது என சிபிஐ எச்சரிக்கையை விடுத்து உள்ளது. […]

அதிகம் வாசிக்கப்பட்டவை