கொரோனா வைரசால் இறந்தவர்கள் உடலை கையாளும்போது தொற்று ஏற்படுமா…?

கொரோனா வைரஸ் தொற்று தாக்கி மனிதர்களுக்கு நேரிடுகிற இறப்புகளில் பல்வேறு கேள்விகள் எழுகிறது. இறந்தவர்களின் உடலை புதைப்பதற்கும் எதிர்ப்பு தெரிவிக்கப்படுகிறது. இதற்கிடையே உடலை எப்படி கையாள வேண்டும் என்பது தொடர்பாக இந்திய மருத்துவ ஆராய்ச்சி கவுன்சில் ( ஐ.சி.எம்.ஆர்.) தகவல் வெளியிட்டுள்ளது.

அதில், கொரோனா தொற்றால் இறந்தவர்கள் உடல்களில் கொரோனா வைரஸ் உயிர்வாழ்வது படிப்படியாக குறைகிறது. இருப்பினும் ஒரு உடல், தொற்று இல்லாத உடல் என அறிவிப்பதற்கு இப்போது காலவரையறை எதுவும் கிடையாது. எனவே, இறந்தவர்களின் உடல்களை கையாளும்போது தேவையான முன் எச்சரிக்கைகள் எடுத்துக்கொள்ள வேண்டும்.

‘நான்இன்வேசிவ்’ முறையில் செய்கிற பிரேத பரிசோதனை முறை சிறந்ததாகும். கொரோனா வைரஸ் சந்தேகத்துக்கு இடமானவரின் இறந்த உடலில் பிரேத பரிசோதனை செய்கிறபோது பின்பற்ற வேண்டிய நெறிமுறைகள் என்ன என்று கேட்டால், முதலில் இறந்தவர் கொரோனா தாக்குதலுக்கு ஆளாகி இறந்ததாகத்தான் கருத வேண்டும். எனவே தொற்றுநோய் பரவி வரும் காலம் வரையிலும், ‘நான்இன்வேசிவ்’ பிரேத பரிசோதனை முறையை கையாள வேண்டும்.

ஒரு சதவீதம் ஹைப்போகுளோரைடு அல்லது 70 சதவீதம் ஆல்கஹால் திரவத்தை பயன்படுத்தி உடல்மேற்பரப்பை கிருமி நீக்கம் செய்ய வேண்டும். பின்னர் ‘இன்வேசிவ்’ முறையில் பிரேத பரிசோதனை செய்ய முடியுமா…? என்ற கேள்வி எழலாம். நாசி, வாய்வழி துவாரங்கள் வழியாக வாயுக்கள் அல்லது திரவங்கள் இயற்கையான சுற்றுவட்டங்கள் மூலம் வெளியேற்றப்படுகின்றன. போக்குவரத்தின்போது ஏற்படக்கூடிய துவாரங்களின் சுருக்கம் நோய் பரவலுக்கு ஆதாரங்களாக இருக்கலாம்.

எனவே, கொரோனா வைரஸ் மேற்பரப்பு கிருமி நீக்கம், கொரோனா வைரசுக்கு எதிராக பாதுகாப்பை வழங்காது. உடலை கையாள்பவர்களுக்கு தொற்று ஏற்படும் ஆபத்து உள்ளதா என்று கேட்டால், சரியான சுய பாதுகாப்பு கவசங்களை அணிந்து கொள்கிறபோது அதற்கான வாய்ப்புகள் மிகவும் குறைவானது. கொரோனா வைரஸ் தொற்றுநோயால் இறக்கிறவர்களின் உடல்களை பிணவறைக்கு மாற்றுவதற்கென தனியாக ஊழியர்கள் வைத்துக்கொள்வது அவசியம்.

ஊழியர்கள் பற்றாக்குறை இருந்தால், மருத்துவமனை அதிகாரிகளால் உடலை கொண்டு செல்ல கூடுதல் ஊழியர்கள் நியமிக்கப்படவேண்டும். எந்தவொரு ஆள் பற்றாக்குறை பிரச்சினையையும் தீர்க்க தன்னார்வ தொண்டு நிறுவனங்கள் மற்றும் சமூக நலத்துறையின் உதவியை பெற்றுக்கொள்ளலாம். கொரோனா உறுதிபடுத்தப்பட்ட அல்லது சந்தேகத்துக்கு இடம் அளிக்கிற ஒருவர், இயற்கைக்கு மாறான விதத்தில் இறந்து விட்டால், இறப்பு குறித்த சான்றிதழை வழங்குவதில் போலீஸ் துறையினருடன் ஒருங்கிணைந்து செயல்பட வேண்டும். உடலை உட்புற பிளவு இல்லாமல் உறவினர்களிடம் ஒப்படைக்க வேண்டும் என தெரிவிக்கப்பட்டுள்ளது.

Next Post

700-க்கும் அதிகமான போலீசாருக்கு கொரோனா தொற்று... மும்பையில் மத்திய பாதுகாப்பு படை ஆயுதங்களுடன் கொடி அணிவகுப்பு!

Thu May 21 , 2020
மும்பையில் கொரோனா வைரஸ் ஊரடங்கை முழுமையாக ஒழுங்குப்படுத்த மத்திய போலீஸ் படை கொடி அணிவகுப்பு நடத்தியுள்ளது. மராட்டியத்தில் ஆட்கொல்லி கொரோனா வைரஸ் தொற்று அசுர வேகத்தில் பரவி வருகிறது. இதில் கடந்த 20 நாட்களில் மட்டும் மாநிலத்தில் 25 ஆயிரத்துக்கு மேற்பட்டவர்கள் பாதிக்கப்பட்டனர். குறிப்பாக கடந்த 3 நாட்களாக தினமும் 2 ஆயிரத்துக்கும் மேற்பட்டவர்கள் நோய் தொற்றால் பாதிக்கப்பட்டுள்ளனர். 4-வது நாளாக நேற்றும் மாநிலத்தில் 2,250 பேர் கொரோனாவால் பாதிக்கப்பட்டுள்ளனர். […]

அதிகம் வாசிக்கப்பட்டவை