பிரதமர் மற்றும் முக்கிய வி.வி.ஐ.பிக்கள் பயன்பாட்டுக்காக அதிநவீன பாதுகாப்பு அம்சங்கள் கொண்ட இரு பிரத்யேக போயிங் விமானங்கள் செப்டம்பரில் இந்தியா வர உள்ளது..

Read Time:3 Minute, 51 Second

பிரதமர் மோடி மற்றும் முக்கிய விவிஐப்பிக்கள் பயன்பாட்டுக்காக அதிநவீன பாதுகாப்பு அம்சங்கள் கொண்ட பிரத்யேகமாக தயாரிக்கப்பட்ட போயிங் நிறுவனத்தின் பி-7777 வகை இரு விமானங்கள் வரும் செப்டம்பர் மாதத்துக்குள் ஏர் இந்தியா நிறுவனத்திடம் ஒப்படைக்கப்படும் எனத் தகவல்கள் தெரிவிக்கின்றன

பிரதமர் மோடி, குடியரசு தலைவர் மற்றும் குடியரசு துணைத்தலைவர் உள்ளிட்ட மிக உயர்ந்த பதவியில் இருபவர்கள் பயணிப்பதற்காக பாதுகாப்பு நிறைந்த விமானங்களை தயாரிப்பதற்கான ஒப்பந்தம் கடந்த ஆண்டு அக்டோபர் மாதம் இந்திய அரசால் போயிங் நிறுவனத்துடன் போடப்பட்டது. இந்த இரு விமானமும் 2020 ஜூலை மாதம் இந்தியாவிடம் ஒப்படைக்கப்படும் என தெரிவிக்கப்பட்டிருந்தது.

இருப்பினும், கொரோனா வைரஸ் தொற்று பரவல் காரணமாக விமானங்கள் ஒப்படைப்பதற்கு ஒருமாதம் தாதமாக செப்டம்பரில் அனுப்பி வைக்கப்படும் என தெரிகிறது

பிரதமர் மோடி, குடியரசு தலைவர் ராம்நாத் கோவி்ந்த், குடியரசு துணைத் தலைவர் வெங்கய்யா நாயுடு உள்ளிட்ட உயர் பதவியில் இருப்பவர்கள் தற்போது வெளிநாடுகளுக்கு செல்ல ஏர் இந்தியாவின் பி747 ஏர் இந்திய ஒன் வகை விமானங்களை பயன்படுத்தி வருகின்றனர்.

இ்வ்வகை விமானங்கள் பிரதமர் மோடி உள்ளிட்ட முக்கிய விவிஐபிக்கள் பயன்பாட்டுக்கு மட்டுமின்றி வர்தத்க பயன்பாட்டுக்கும் அனுப்பப்டுகிறது.

ஆனால், தற்போது இந்தியாவிற்கு வரும் போயிங் விமானங்கள் பிரதமர் மோடி உள்ளிட்ட வி.வி.ஐ.பிக்கள் மட்டுமே பயணிப்பார்கள். ஏர்இந்தியா நிறுவனத்தின் பங்குகளை மத்திய அரசு விற்பனை செய்யும் மும்முரத்தில் இருந்து வருகிறது. அதன்படி நிறுவனம் விற்பனையாகிவிட்டல் ஏர்இ்ந்தியா விமானங்களை பயன்படுத்த முடியாது. எனவே தான் போயிங் விமானம் வாங்கும் ஏற்பாடு செய்யப்பட்டதாக மத்திய அரசு வட்டாரங்கள் தெரிவிக்கின்றன.

இந்தியா வரும் போயிங் விமானங்களை ஏர் இந்தியா விமானிகள் இயக்கப்போவதில்லை. மாறாக அந்த விமானங்களை இந்திய விமானப்படை வீரரர்கள் தான் இயக்குவார்கள் என தெரிவிக்கப்பட்டுள்ளது. இருப்பினும், இரு விமானங்களையும் ஏர் இந்தியா நிறுவனத்தின் ஏர் இந்தியா எஞ்சனீயரிங் சர்வீஸ் லிமிட்(ஏஐஇஎஸ்எல்) நிறுவனம் பராமரிக்கும் என தெரிவிக்கப்படுகிறது.

போயிங் விமானங்களில் அதிநவீன பாதுகாப்பு அம்சங்களான லார்ஜ் ஏர்கிராப்ட் இன்ப்ராரெட் கவுன்டர்மெசர்ஸ்(எல்ஏஐஆர்சிஎம்), செல்ப் புரோடெக்ஸன் சூட்ஸ்(எஸ்பிஎஸ்)ஆகியவை பொருத்தப்பட்டு உள்ளன. இந்த இரு பாதுகாப்புதொழில்நுட்பங்களும் 19கோடி டாலர் மதிப்பில் அமெரிக்காவிடம் இருந்து வாங்கப்பட்டு உள்ளது.

இதுதொடர்பாக மத்திய அரசு அதிகாரி ஒருவர் கூறுகையில் “ பிரதமர் மற்றும் விவிஐபிக்களுக்காக வாங்கப்பட்டுள்ள இரு அதிநவீன போயிங் விமானங்களும் இந்தியா வருவதில் தாமதம் ஏற்பட்டுள்ளது, செப்டம்பரில் இந்தியாவிடம் ஒப்படைக்க வாய்ப்பு உள்ளது” எனக் கூறியுள்ளார்.