செங்கல்பட்டு-திருச்சி, கோவை-அரக்கோணம் இடையே சிறப்பு ரெயில் – தெற்கு ரெயில்வே அறிவிப்பு..!

Read Time:2 Minute, 57 Second
45 Views
செங்கல்பட்டு-திருச்சி, கோவை-அரக்கோணம் இடையே சிறப்பு ரெயில் – தெற்கு ரெயில்வே அறிவிப்பு..!

தமிழகத்தில் 12-ந்தேதி (வெள்ளிக்கிழமை) முதல் திருச்சி-செங்கல்பட்டு, கோவை-அரக்கோணம் இடையே இரு மார்க்கம் சிறப்பு ரெயில் சேவை தொடங்கவுள்ளது.

திருச்சி-செங்கல்பட்டு (வண்டி எண்: 02606) இடையே அதிவிரைவு இண்டர்சிட்டி எக்ஸ்பிரஸ் சிறப்பு ரெயில் வருகிற 12-ந்தேதி (நாளை மறுதினம்) முதல் தினசரி காலை 7 மணிக்கு திருச்சி ரெயில் நிலையத்தில் இருந்து புறப்பட்டு அரியலூர், விழுப்புரம், மேல்மருவத்தூர் வழியாக செங்கல்பட்டை வந்தடையும். மறுமார்க்கத்தில் (02605) 12-ந்தேதி முதல் மாலை 4.45 மணிக்கு செங்கல்பட்டு ரெயில் நிலையத்தில் இருந்து புறப்பட்டு மேல்மருவத்தூர், விழுப்புரம், அரியலூர் வழியாக திருச்சியை சென்றடையும்.

அரக்கோணம்-கோவை (02675) இடையே அதிவிரைவு இண்டர்சிட்டி எக்ஸ்பிரஸ் சிறப்பு ரெயில் வருகிற 12-ந்தேதி முதல் தினசரி காலை 7 மணிக்கு அரக்கோணம் ரெயில் நிலையத்தில் இருந்து புறப்பட்டு காட்பாடி, ஜோலார்பேட்டை, சேலம், ஈரோடு, திருப்பூர் வழியாக கோவையை சென்றடையும். மறுமார்க்கத்தில் (02676) 12-ந்தேதி முதல் மதியம் 3.15 மணிக்கு கோவை ரெயில் நிலையத்தில் இருந்து புறப்படும்.

மற்றொரு ரெயில் கும்பகோணம் வழியாக

திருச்சி-செங்கல்பட்டு(06796) இடையே அதிவிரைவு இண்டர்சிட்டி எக்ஸ்பிரஸ் சிறப்பு ரெயில் வருகிற 12-ந்தேதி முதல் தினசரி காலை 6.30 மணிக்கு திருச்சி ரெயில்நிலையத்தில் இருந்து புறப்பட்டு தஞ்சாவூர், கும்பகோணம், மயிலாடுதுறை, திருப்பாதிரிப்புலியூர், விழுப்புரம், மேல்மருவத்தூர் வழியாக செங்கல்பட்டுக்கு வந்து சேரும். மறுமார்க்கத்தில் (06795) 12-ந்தேதி முதல் மதியம் 2 மணிக்கு செங்கல்பட்டு ரெயில் நிலையத்தில் இருந்து புறப்பட்டு மேல்மருவத்தூர், விழுப்புரம், திருப்பாதிரிப்புலியூர், மயிலாடுதுறை, கும்பகோணம், தஞ்சாவூர் வழியாக திருச்சியை சென்றடையும்.

இச்சிறப்பு ரயில்களுக்கான முன்பதிவு இன்று தொடங்கியது.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %