இதுவரை இல்லாத வகையில் சென்னையில் டாக்டர் உள்பட 21 பேர் கொரோனா வைரஸ் தொற்றுக்கு உயிரிழப்பு…

Read Time:3 Minute, 36 Second
Page Visited: 114
இதுவரை இல்லாத வகையில் சென்னையில் டாக்டர் உள்பட 21 பேர் கொரோனா வைரஸ் தொற்றுக்கு  உயிரிழப்பு…

தமிழகத்தில் கொரோனா வைரஸ் தொற்றின் பிடியில் சிக்குவோர் எண்ணிக்கை நாளுக்கு நாள் அதிகரித்து வருகிறது. வைரசினால் உயிரிழப்பும் உயருகிறது. குறிப்பாக இளம் வயதினர் உயிரையும் கொரோனா வைரஸ் பறித்து வருவது அதிர்ச்சி அளிக்கும் தகவலாக உள்ளது. இதுவரையில் இல்லாத வகையில் சென்னையில் 21 பேர் உயிரிழந்து உள்ளனர்.

கொரோனா பாதிப்பு தொடர்பாக தமிழக சுகாதாரத்துறை (ஜூன் 9) வெளியிட்ட செய்திக்குறிப்பில், தமிழகத்தில் 1,685 பேருக்கு கொரோனா வைரஸ் தொற்று ஏற்பட்டு உள்ளது. இதில், வெளிநாடுகளில் இருந்து வந்த 5 பேர் மற்றும் வெளிமாநிலங்களில் இருந்து வந்த 31 பேரும் பாதிக்கப்பட்டு உள்ளனர். தமிழகத்தில் இதுவரையில் கொரோனாவால் பாதிக்கப்பட்டவர்களின் எண்ணிக்கை 34 ஆயிரத்து 914 ஆக அதிகரித்து உள்ளது.

சென்னை தனியார் மருத்துவமனை டாக்டர், 30 வயது வாலிபர் உட்பட நேற்று 21 பேர் சென்னையில் உயிரிழந்து உள்ளனர். இதில் அரசு மருத்துவமனையில் 15 பேரும், தனியார் மருத்துவமனையில் 6 பேரும் சிகிச்சை பலனின்றி இறந்தனர். இதுவரையில் தமிழகத்தில் கொரோனாவுக்கு உயிரிழந்தவர்கள் எண்ணிக்கை 307 ஆக அதிகரித்து உள்ளது.

தமிழக மருத்துவமனைகளில் சிகிச்சை பெற்று வந்தவர்களில் நேற்று 798 பேர் பூரண குணம் அடைந்தனர். இதுவரையில் 18 ஆயிரத்து 325 பேர் குணம் அடைந்து உள்ளனர் என தெரிவிக்கப்பட்டுள்ளது. தமிழக மருத்துவமனையில் 16 ஆயிரத்து 279 பேர் கொரோனாவுக்கு சிகிச்சை பெற்று வருகின்றனர்.

தமிழகத்தில் ஜூன் 9-ல் மட்டும் 27 மாவட்டங்களில் கொரோனா தாக்கம் கண்டறியப்பட்டு உள்ளது. இந்த பட்டியலில் சென்னையில் 1,243 பேருக்கு பாதிப்பு உறுதி செய்யப்பட்டுள்ளது.

செங்கல்பட்டில் 158 பேரும், திருவள்ளூரில் 90 பேரும், காஞ்சீபுரத்தில் 32 பேரும், திருவண்ணாமலையில் 19 பேரும், மதுரை, வேலூரில் தலா 16 பேரும், தூத்துக்குடி, நெல்லையில் தலா 10 பேரும், தஞ்சாவூரில் 8 பேரும், நாகப்பட்டினம், திருவாரூரில் தலா 7 பேரும், ராமநாதபுரம், திண்டுக்கலில் தலா 6 பேரும், கோவையில் 5 பேரும், புதுக்கோட்டை, திருச்சியில் தலா 4 பேரும், அரியலூர், கள்ளக்குறிச்சி, சேலத்தில் தலா 3 பேரும், தேனியில் 2 பேரும், தர்மபுரி, கன்னியாகுமரி, பெரம்பலூர், ராணிப்பேட்டை, விருதுநகர், விழுப்புரத்தில் தலா ஒருவரும் வைரசினால் பாதிக்கப்பட்டு உள்ளனர் என தெரிவிக்கப்பட்டுள்ளது.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %