“ஆயுதமின்றி எதிர்த்த இந்திய வீரர்கள்..” லடாக் எல்லையில் இந்தியா-சீனா மோதலின் போது நடந்தது என்ன…?

Read Time:4 Minute, 24 Second
Page Visited: 367
“ஆயுதமின்றி எதிர்த்த இந்திய வீரர்கள்..” லடாக் எல்லையில் இந்தியா-சீனா மோதலின் போது நடந்தது என்ன…?

கடந்த மே மாத தொடக்கத்தில் லடாக்கின் கல்வான் பள்ளத்தாக்கு, டெம்சாக், கோக்ரா, டவ்லத் பெக் ஒல்டி, பான்கோங் ஏரி உள்ளிட்ட பகுதிகளில் சீன ராணுவம் அத்துமீறி நுழைந்தது. இதனையடுத்து இருநாட்டு ராணுவமும் குவிக்கப்பட்டது. இதனால், எல்லையில் பதற்றம் காணப்பட்டது. கடந்த 6-ம் தேதி இருதரப்பு ராணுவ அதிகாரிகள் நடத்திய பேச்சுவார்த்தையில் சீன ராணுவம் தங்கள் நிலைக்கு செல்வதாக சுமூக உடன்பாடு எட்டப்பட்டது.

அதன்படி எல்லையில் இருந்து சீனப் படைகள் படிப்படியாக வாபஸ் பெறப்பட்டு வந்தது. ஆனால் லடாக்கின் கல்வான் பள்ளத்தாக்கு பகுதியில் மட்டும் சீன ராணுவ வீரர்கள் தொடர்ந்து முகாமிட்டிருந்ததாக கூறப்படுகிறது. இந்திய எல்லைக்கு உட்பட்ட ‘பி 14’ பகுதியில் சீன ராணுவ வீரர்கள் கூடாரம் அமைத்து தங்கியிருந்துள்ளனர். இருதரப்பு பேச்சுவார்த்தையின் போது கூடாரத்தை அகற்ற சீன ராணுவம் ஒப்புக் கொண்டிருந்தது. ஆனால், சீன வீரர்கள் அடாவடியாக அங்கு முகாமிட்டுள்ளனர்.

கூடாம் அங்கிருப்பதை கண்டறிந்த கர்னல் சந்தோஷ் பாபு, தமிழகத்தை சேர்ந்த ராணுவ வீரர் பழனி, ஜார்கண்டை சேர்ந்த வீரர் குண்டன் ஓஜா ஆகியோர் கடந்த 15-ம் தேதி மாலையில் சம்பவ பகுதிக்கு துணிச்சலாக சென்று, கூடாரத்தை அகற்ற கோரினர். அப்போது இந்திய ராணுவ படை சற்று தொலைவில் முகாமிட்டிருந்தது. இந்நிலையில் கூடாரத்தை அகற்ற எதிர்ப்பு தெரிவித்த சீன வீரர்கள், இரும்பு கம்பி, உருட்டுக்கட்டையால் கர்னல் சந்தோஷ் பாபுவையும் 2 இந்திய வீரர்களையும் கடுமையாக தாக்கினர்.

அப்போது எல்லை ஒப்பந்த நடைமுறைகளின்படி இந்திய வீரர்கள் ஆயுதங்களை வைத்திருக்கவில்லை. மூன்று இந்திய வீரர்கள் மட்டுமே இருந்த நிலையில் பெரும் எண்ணிக்கையில் சீன வீரர்கள் திரண்டு தாக்கியுள்ளனர். சீன வீரர்களை, 3 பேரால் சமாளிக்க முடியவில்லை. இந்த தாக்குதலில் கர்னல் சந்தோஷ் பாபு உட்பட 3 பேரும் உயிரிழந்தனர்.

இதுதொடர்பான தகவலை அறிந்து சற்று தொலைவில் முகாமிட்டிருந்த இந்திய ராணுவ வீரர்கள் ஆவேசம் அடைந்தனர். அவர்களும் சம்பவ பகுதிக்கு சென்றுள்ளனர். இதனையடுத்து இருதரப்புக்கும் இடையே மிகப்பெரிய மோதல் ஏற்பட்டது. இம்மோதல் சம்பவத்தில் 900-க்கும் மேற்பட்ட வீரர்கள் ஈடுபட்டதாக கூறப்படுகிறது. சுமார் 6 மணி நேரம், அதாவது நள்ளிரவு வரையில் மோதல் நீடித்தது.

கல்வான் பள்ளத்தாக்கு மலைச்சரிவான பகுதியாகும். இருதரப்பு சண்டையின் போது இருதரப்பு வீரர்களும் மலையில் இருந்து தவறி விழுந்துள்ளனர். இதில், இந்திய தரப்பில் 20 வீரர்கள் உயிரிழந்தனர். இதில் 16 பேர் கொடூர தாக்குதலிலும், 4 பேர் மலையில் இருந்து கீழே விழுந்தும் உயிரிழந்ததாக கூறப்படுகிறது. இதேபோல சீன தரப்பில் 40-க்கும் மேற்பட்ட வீரர்கள் உயிரிழந்ததாக தகவல்கள் வெளியாகி இருக்கிறது. ஆனால், வீரர்கள் உயிரிழப்பு விவகாரத்தில் சீனா வாய் திறக்காமல் மவுனம் காக்கிறது.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %