மின் கட்டணம் செலுத்த ஜூலை 15-ம் தேதி வரை காலஅவகாசம் நீட்டிப்பு!

Read Time:2 Minute, 37 Second
Page Visited: 253
மின் கட்டணம் செலுத்த ஜூலை 15-ம் தேதி வரை காலஅவகாசம் நீட்டிப்பு!

சென்னை, காஞ்சீபுரம், செங்கல்பட்டு, திருவள்ளூர் மாவட்டங்களில் முழு ஊரடங்கு அமலில் இருப்பதால் மின்சார கட்டணம் செலுத்த ஜூலை 15-ந்தேதி வரை காலஅவகாசம் நீட்டிக்கப்பட்டுள்ளது.

சென்னை, காஞ்சீபுரம் செங்கல்பட்டு மற்றும் திருவள்ளுர் ஆகிய 4 மாவட்டங்களில் கடந்த மார்ச் 25-ந்தேதியில் இருந்து வருகிற ஜூலை 14-ந்தேதி வரை மின்கட்டணம் செலுத்த கடைசி தேதி உள்ள மின்நுகர்வோர்கள் தங்களது மின்கட்டணத்தை வருகிற ஜூலை 15-ந்தேதி வரை தாமத கட்டணம் மற்றும் மறுமின் இணைப்பு கட்டணமின்றி செலுத்தலாம். ஜூலை 15-ந்தேதி வரை மின் இணைப்புகளை துண்டிக்க துண்டிக்க படமாட்டாது என்று மின்சார வாரியம் அறிவித்துள்ளது.

முந்தைய மாத கட்டணம்

சென்னை, செங்கல்பட்டு, காஞ்சீபுரம் மற்றும் திருவள்ளுர் ஆகிய 4 மாவட்டங்களில் ஜூன் 19-ந்தேதியில் இருந்து வருகிற 30-ந்தேதி வரை மின் கணக்கீட்டு தேதி உள்ள தாழ்வழுத்த மின்நுகர்வோர்களுக்கு முந்தைய மாத மின் கணக்கீட்டு படி கட்டணம் கணக்கிடப்படும்.

மின் கட்டண வசூல் மையங்கள் வருகிற 30-ந்தேதி வரை திறக்கப்படாததால், மின்நுகர்வோர்கள் தங்களது மொபைல் செயலி மற்றும் இணையதள மூலமாகவும் மின்கட்டணத்தை செலுத்தலாம்.

உயர்அழுத்த மின்நுகர்வோர்கள்

சென்னை, செங்கல்பட்டு, காஞ்சீபுரம் மற்றும் திருவள்ளுர் ஆகிய 4 மாவட்டங்களில் உள்ள அனைத்து உயர்அழுத்த நுகர்வோர்களை பொறுத்தவரை கடந்த பிப்ரவரி, மார்ச், ஏப்ரல் மற்றும் மே மாதத்திற்கான மின்கட்டணத்தை செலுத்தாமல் இருந்தால் அந்தந்த நுகர்வோர்கள் தங்களது கட்டணத்தை ஜூலை 15-ந்தேதிக்குள் செலுத்தலாம் என மின்சார வாரியம் வெளியிட்டுள்ள செய்திக்குறிப்பில் கூறப்பட்டு உள்ளது.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %