சீன ராணுவத்தினால் அச்சுறுத்தல் ஏற்பட்டுள்ள இந்தியா மற்றும் பிற ஆசிய நாடுகளுக்கு தங்கள் படைகளை அனுப்ப அமெரிக்கா திட்டம்… விபரம்:-

Read Time:5 Minute, 39 Second
822 Views
சீன ராணுவத்தினால் அச்சுறுத்தல் ஏற்பட்டுள்ள இந்தியா மற்றும் பிற ஆசிய நாடுகளுக்கு தங்கள் படைகளை அனுப்ப அமெரிக்கா திட்டம்… விபரம்:-

லடாக் எல்லையில் சீன ராணுவம் அத்துமீறியதும் இந்திய ராணுவம் பதிலடியை கொடுத்தது. இதனையடுத்து உலகம் முழுவதும் இம்மோதல் சம்பவம் பெரும் கவனம் பெற்று இருக்கிறது.

இந்நிலையில் சீன ராணுவத்தினால் அச்சுறுத்தல் ஏற்பட்டுள்ள இந்தியா, மலேசியா, வியட்னாம், இந்தோனேசியா, மற்றும் தென்சீன கடல் பகுதிகளில் சவால்களை சமாளிக்க அமெரிக்க ராணுவத்தை இப்பகுதிகளில் பயன்படுத்த இப்பகுதிகளை பலப்படுத்த திட்டமிட்டு வருகிறோம் என அமெரிக்கா தெரிவித்து உள்ளது.

சீன ராணுவத்தின் அச்சுறுத்தல் அதிகமாகி வருவதை அடுத்து உலக அளவில் படைகளை நியமிக்க அமெரிக்கா பரிசீலனை செய்து வருவதாக அந்நாட்டு வெளியுறவுச்செயலர் மைக் பாம்பியோ தெரிவித்து உள்ளார்.

இதுதொடர்பாக அவர் பேசுகையில், சீனாவின் ராணுவ அச்சுறுத்தலை எதிர்கொள்ள நாங்கள் சரியான நிலையெடுக்க பரிசீலித்து வருகிறோம். காலத்தின் சவால்களை நாங்கள் சிந்திக்கிறோம். எனவே, அச்சுறுத்தலை எதிர்கொள்ள போதிய படை ஆதாரங்கள் நம்மிடையே உள்ளதாக கருதுகிறேன். இந்த பரிசீலனையானது அதிபர் டொனால்டு டிரம்ப்பின் அறிவுறுத்தலின் பேரில் மேற்கொள்ளப்பட்டு வருகிறது.

இதன் அங்கமாக ஜெர்மனியில் தன் படைகளை 52,000-ல் இருந்து 25,000 ஆக குறைக்க திட்டமிட்டுள்ளது. சில இடங்களில் அமெரிக்கப் படைப்பலத்தை குறைத்து சீன ராணுவத்தினால் அச்சுறுத்தல் ஏற்பட்டு உள்ள நாடுகளான இந்தியா, மலேசியா, வியட்னாம், இந்தோனேசியா, மற்றும் தென்சீன கடல் பகுதி சவால்களை சமாளிக்க அமெரிக்க ராணுவத்தை இப்பகுதிகளில் பயன்படுத்த இப்பகுதிகளை பலப்படுத்த திட்டமிட்டு வருகிறோம்.

எனவே, அமெரிக்க படைப்பலம் குறைக்கப்படும் நாடுகள் தங்களுக்கான பாதுகாப்பை தாங்களே வலுப்படுத்தி கொள்ள வேண்டும். அப்போது தான் புதிய அச்சுறுத்தல் ஏற்பட்டுள்ள பகுதிகளில் சீன ராணுவத்தை எதிர்கொள்ள அங்கு படைப்பலத்தை கூட்ட முடியும். இவ்விவகாரம் தொடர்பாக ஐரோப்பிய நாடுகளுடன் முழு ஆலோசனைகளை மேற்கொள்வோம் என தெரிவித்து உள்ளார்.

ஐரோப்பாவில் ரஷ்யாவின் ஆதிக்கம் செலுத்துவதை தடுக்கும் வகையில் அமெரிக்க படைகள் நிலை நிறுத்தப்பட்டு இருக்கிறது. இப்போது, ஜெர்மனியிலிருந்து அமெரிக்கா தன் படைகளை குறைத்தால் ரஷ்யா தலைதூக்கும் என்று அங்கு இந்த யோசனைகளுக்கு விமர்சனங்கள் ஏற்கெனவே எழுந்து உள்ளது. ஆனால் பாம்பியோ இந்த வாதங்களை மறுத்து, உலகம் முழுதும் உள்ள அமெரிக்கப் படைகளை குறைத்து வேறு இடங்களில் கவனம் செலுத்துவது பற்றி இரண்டரை ஆண்டுகளாகவே திட்டமிடப்பட்டு வருகிறது. சில முடிவுகள் எடுக்கப்பட்ட காலம் வேறு இப்போதைய காலக்கட்டம் வேறு எனக் குறிப்பிட்டு இருக்கிறார்.

ரஷ்யாவோ பிற எதிரிகளையோ எதிர்கொள்ள சில இடங்களில் படைகளை வலுப்படுத்துவது என்பது படைகளின் எண்ணிக்கையை பொறுத்தது கிடையாது. எனவே, பிரச்சினைகளின் இயல்பு என்ன…? அச்சுறுத்தலின் இயல்பு என்ன…? என்பதை நாம் மறுபரிசீலனைக்கு உட்படுத்த வேண்டியது உள்ளது. தற்போது, நம் படை ஆதாரங்களை மாற்று இடங்களில் வலுப்படுத்துவது பற்றி யோசிக்க வேண்டிய காலக்கட்டத்தில் இருக்கிறோம்.

எனவே, ஜெர்மனியில் நம் படைகளின் இருப்பை குறைத்து பிற இடங்களில் அதிகரிப்பது பற்றிய அதிபரின் முடிவுகளின் படி நன்கு யோசித்துதான் சில மாற்று முடிவுகளை எடுக்க வேண்டிய நிர்பந்தம் ஏற்பட்டு இருக்கிறது. இதனை எப்படி செய்வது என்பது பற்றி பாதுகாப்பு செயலர் மார்க் எஸ்பர் லண்டனிலும், பிரஸ்ஸல்சிலும் விவாதிக்கிறார். ஐரோப்பிய கூட்டாளிகளும் இதனை புரிந்து கொள்வார்கள், நாமும் புரிந்து கொள்வோம். ஜனநாயகத்தின் அடிப்படை ஆர்வம் கருதியே இந்த யோசனைகள், அமெரிக்காவின் அடிப்படை ஆர்வமும் ஜனநாயகம் பற்றியதே என்று பாம்பியோ கூறியிருக்கிறார்.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %