நடிகை வனிதாவின் 3-வது திருமணத்திற்கு வந்த சோதனை… கணவர் பீட்டர் பால் மீது அவரது மனைவி போலீசில் பரபரப்பு புகார்

Read Time:3 Minute, 10 Second

நடிகர் விஜயகுமார்- நடிகை மஞ்சுளாவின் மகள் நடிகை வனிதா நடிகர் விஜய் நடித்த ‘சந்திரலேகா’ என்ற திரைப்படத்தின் மூலம் தமிழ் சினிமாவுக்கு அறிமுகமானார். பின்னர் திருமணம் ஆகி திரையுலகைவிட்டு வெளியேறினர். இதற்கிடையே குடும்ப பிர்ச்சினைகளால் வெளியுலகிற்கு அதிகமாக தெரியவந்தார். இந்நிலையில் பிக்பாஸ் நிகழ்ச்சி மூலம் மிகவும் பிரபலமானார். இதனையடுத்து சின்னதிரையில் அதிகமான வாய்ப்புகள் வந்தன.

ஏற்கனவே 2 முறை திருமணமாகி விவாகரத்து செய்த வனிதா, 3-வது முறையாக பீட்டர் பால் என்பவரை சென்னையில் நேற்று முன்தினம் (27-ம் தேதி) திருமணம் செய்துகொண்டார். இந்த நிலையில் வனிதாவை திருமணம் செய்துகொண்ட பீட்டர் பால் மீது அவருடைய மனைவி எலிசபெத் ஹெலன், சென்னை வடபழனி போலீஸ் நிலையத்தில் புகார் ஒன்றை அளித்து இருக்கிறார்.

அதில், பீட்டர் பாலுக்கு ஏற்கனவே என்னுடன் திருமணமாகி ஒரு மகனும், ஒரு மகளும் உள்ளனர். குடும்ப பிரச்சினையின் காரணமாக கடந்த 7 ஆண்டுகளாக நாங்கள் தனியாக பிரிந்து வாழ்ந்து வருகிறோம். எனக்கு முறையாக விவாகரத்து அளிக்காமல் பீட்டர் பால், நடிகை வனிதாவை திருமணம் செய்து இருக்கிறார். இதுதொடர்பாக அவர் மீது நடவடிக்கை எடுக்கவேண்டும் எனக் கேட்டுக்கொண்டு இருக்கிறார்.

நடிகை வனிதா, பீட்டர்பாலை திருமணம் செய்து கொள்ளப்போவதாக கடந்த சில நாட்களுக்கு முன்தாகவே தகவல்கள் பரவியது. அப்போதும் எலிசபெத் ஹெலன், இதுபற்றி போலீசில் புகார் செய்தார். போலீசார் பீட்டர்பால் தரப்பை அழைத்து விசாரித்து உள்ளனர். அப்போது, தாங்கள் எந்த திருமண ஏற்பாடுகளையும் செய்யவில்லை. அப்படி செய்யும் பட்சத்தில் முறையான விவாகரத்துக்கு பின்னரே வனிதாவுடன் அவருக்கு திருமணம் நடக்கும் என்றும் தெரிவித்து உள்ளனர் கூறப்படுகிறது.

இந்த நிலையில் தனது மனைவிக்கு முறையாக விவாகரத்து அளிக்காமல் திடீரென பீட்டர் பால், நடிகை வனிதாவை திருமணம் செய்து கொண்டது எலிசபெத் ஹெலன் தரப்பினரை அதிர்ச்சி அடையசெய்து இருக்கிறது. இதனையடுத்து மீண்டும் அவர் போலீசில் புகார் அளித்து உள்ளார். இவ்விவகாரம் தொடர்பாக வடபழனி போலீசார் வழக்குப்பதிவு செய்து விசாரணை செய்து வருகின்றனர். எப்போதும் பரபரப்புக்கு பஞ்சமில்லாமல் இருந்து வரும் நடிகை வனிதா, தற்போது 3-வது திருமணத்தின் போதும் மிகவும் பரபரப்பை ஏற்படுத்தி இருக்கிறார்.