மதுரையில் ஒரே நாளில் 284 பேருக்கு கொரோனா வைரஸ் தொற்று…. பாதிப்பு 2 ஆயிரத்தை தொடுகிறது

Read Time:2 Minute, 45 Second
Page Visited: 276
மதுரையில் ஒரே நாளில் 284 பேருக்கு கொரோனா வைரஸ் தொற்று….  பாதிப்பு 2 ஆயிரத்தை தொடுகிறது

மதுரையில் கொரோனாவால் பாதிக்கப்படுபவர்களின் எண்ணிக்கை நாளுக்கு நாள் அதிகரித்து செல்கிறது. நேற்று மதுரையில் 284 பேருக்கு கொரோனா உறுதி செய்யப்பட்டுள்ளது.

இதில் 80 பேர் புறநகர் பகுதியை சேர்ந்தவர்கள், மீதமுள்ளவர்கள் மதுரை நகர் பகுதியை சேர்ந்தவர்கள் என தெரிவிக்கப்பட்டுள்ளது. நேற்று பாதிப்பு உறுதி செய்யப்பட்டவர்களில் டாக்டர்கள், மருத்துவமனை பணியாளர்கள், போலீஸ், அரசு ஊழியர்கள் என முதன்மை பணியாளர்கள் 60 பேர் பாதிக்கப்பட்டு உள்ளனர்.

சென்னை, திருச்சி, தேனி உள்ளிட்ட வெளி மாவட்டங்களில் இருந்து வந்த 4 பேருக்கும், மதுரையை சேர்ந்த 8 கர்ப்பிணிகளுக்கும், ஏற்கனவே பாதிக்கப்பட்டவர்களிடமிருந்து 63 பேருக்கும் என மொத்தம் ஒரே நாளில் 284 பேர் பாதிக்கப்பட்டு உள்ளனர். இதுபோல், 85 பேருக்கு சளி, காய்ச்சல், இருமல், தொண்டை வலி உள்ளிட்ட அறிகுறிகள் இருந்தது. இதனை தொடர்ந்து அவர்களை அரசு மருத்துவமனையில் பரிசோதித்து பார்த்தபோது அவர்களுக்கு நோய் தொற்று இருப்பது உறுதிசெய்யப்பட்டது.

கொரோனா உறுதிசெய்யப்பட்ட 284 பேரும் மதுரை அரசு மருத்துவமனையில் அனுமதிக்கப்பட்டு மருத்துவர்களின் தீவிர கண்காணிப்பில் இருக்கிறார்கள். இவர்களுடன் தொடர்பில் இருந்தவர்களுக்கும் கொரோனா தொடர்பான பரிசோதனை செய்யப்பட்டு வருகிறது. மேலும் இவர்கள் தங்கியிருந்த பகுதியை சுற்றிலும் தடுப்பு வேலிகள் அமைக்கும் பணியும் நடைபெற்று வருகிறது. இது போல் கிருமி நாசினியும் தெளிக்கப்பட்டு வருகிறது.

நேற்றுடன் மதுரையில் கொரோனாவால் பாதிக்கப்பட்டவர்களின் எண்ணிக்கை 1995 ஆக உயர்ந்து உள்ளது. இது போல் கொரோனாவுக்கு சிகிச்சை பெற்ற 591 பேர் பூரண குணமடைந்து வீட்டுக்கு திருபியுள்ளனர். 1379 பேர் மதுரை அரசு மருத்துவமனையில் கொரோனாவுக்கு சிகிச்சை பெற்று வருகிறார்கள்.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %