சீன சமூகவலைத்தளமான ‘வெய்போ’ தளத்திலிருந்து கணக்கை நீக்கினார் பிரதமர் மோடி: வெளியேறுவதில் நீடிக்கும் சிக்கல் என்ன…?

Read Time:2 Minute, 57 Second
Page Visited: 324
சீன சமூகவலைத்தளமான ‘வெய்போ’ தளத்திலிருந்து கணக்கை நீக்கினார் பிரதமர் மோடி: வெளியேறுவதில் நீடிக்கும் சிக்கல் என்ன…?

சீனாவில் கூகுள், பேஸ்புக், டுவிட்டர் உள்ளிட்ட சர்வதேச சமூக வலைத்தளங்களுக்கு அனுமதி இல்லை. அங்கு இந்த வலைத்தளங்களுக்கு மாறாக வேறு சில வசதிகளை சீன நிறுவனங்கள் உருவாக்கி இருக்கின்றன. அதில் வெய்போ என்பது டுவிட்டருக்கு இணையான சமூக வலைத்தளமாகும்.

கடந்த 2015ம் ஆண்டு தனது சீன பயணத்திற்கு முன்னதாக பிரதமர் மோடி வெய்போவில் கணக்கு தொடங்கினார். அவரது கணக்கினை 2.44 லட்சம் பேர் பின்தொடர்ந்தனர். இந்த நிலையில் இந்திய இறையாண்மைக்கு அச்சுறுத்தலாக இருப்பதாக கூறி சீனாவின் 59 செயலிகளுக்கு கடந்த திங்கட்கிழமை மத்திய அரசு தடை விதித்து உள்ளது. அதன் தொடர்ச்சியாக, தனது வெய்போ கணக்கினை பிரதமர் மோடி நீக்கி உள்ளார். சீனாவின் சமூக வலைத்தளத்திலிருந்து மோடி வெளியேறியதன் மூலம் தூதரகம் மற்றும் பொருளாதார ரீதியில் மட்டுமன்றி தனிப்பட்ட முறையிலும் அவர் சீனாவுக்கு தக்க பதில் அளித்துள்ளதாக பா.ஜனதா பாராட்டியிருக்கிறது.

இருப்பினும் வெய்போ தளத்திலிருந்து பிரதமர் மோடி அதிகாரபூர்வமாக இன்னும் வெளியேறவில்லை. அவரின் கணக்கில் இருந்த பெரும்பாலான பதிவுகள் நீக்கப்பட்ட நிலையில், சீன அதிபர் ஜி ஜின்பிங், பிரதமர் மோடி இணைந்திருக்கும் புகைப்படம் மட்டும் உள்ளது. டுவிட்டர் தளத்தைப் போல் ஒருவர் எளிதாக தனது கணக்கை முடித்துக்கொண்டு வெய்போ தளத்திலிருந்து வெளியேறிவிட முடியாத நிலையிருக்கிறது.

வெய்போ தளத்தில் பிரதமர் மோடி போன்ற நாட்டின் தலைவர்கள் கணக்கு தொடங்கிவிட்டு, வெளியேற வேண்டுமென்றால், அதற்கு பல்வேறு நடைமுறைகள் உள்ளன. அவை மிகவும் குழப்பமான நடைமுறையாகும் என தெரிகிறது. விலக வேண்டும் என்றால் அந்த நிறுவனத்திடமிருந்து முறையாக அனுமதி கிடைத்த பின்பு தான் வெளியேற முடியும். ஆனால், இப்போது உள்ள சூழலில் சீனாவிடம் அனுமதி கிடைப்பது என்பது எளிதான காரியம் கிடையாது என தகவல்கள் வெளியாகியிருக்கிறது.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %