கொரோனாவுக்கு எதிராக நோய் எதிர்ப்பு சக்தியை அதிகரிக்கும் பானம் எளிய முறையில் தயாரிப்பது எப்படி…?

Read Time:5 Minute, 22 Second
Page Visited: 555
கொரோனாவுக்கு எதிராக நோய் எதிர்ப்பு சக்தியை அதிகரிக்கும் பானம் எளிய முறையில் தயாரிப்பது எப்படி…?

கொரோனா வைரசுக்கு எதிராக போராடுவதற்கு ஒவ்வொருவரும் நல்ல நோய் எதிர்ப்பு சக்தியை கொண்டிருப்பது அவசியமாகும். வைரஸ் பரவலுக்கு மத்தியில் அதிலிருந்து தற்காத்துக்கொள்ள குழந்தைகள் மற்றும் குடும்ப உறுப்பினர்களிடையே நோய் எதிர்ப்பு சக்தியைக் கட்டியெழுப்ப தாய்மார்கள் மிகவும் கடினமாக உழைக்கிறார்கள்.

கொரோனா ஊரடங்கில் நாம் வீட்டில் இருக்கும் நிலையில் அதிலிருந்து பாதுகாத்துக்கொள்ள எதிர்ப்பு சக்தியை அதிகரிக்கும் முலிகைப்பொருட்கள் பயன்பாடு குறித்து தெரிந்துக்கொள்ள ஆவல் கொள்கிறோம். சிலவற்றை தெரிந்துக்கொள்ளவும் செய்கிறோம் இதில் எதிர்ப்பு சக்தியை அதிகரிக்க இயற்கையின் கொடையாளியாக இருக்கும் எலுமிச்சை, இஞ்சி, மஞ்சள் மற்றும் தேன் உள்ளிட்டவை மிகவும் முக்கியத்துவம் பெறுகிறது.

மாலை நேரங்களில் டீ, காப்பிக்கு பதிலாக எதிர்ப்பு சக்தியை அதிகரிக்கும் பானங்கள் குடித்தல் இன்று அநேக வீடுகளில் வழக்கமாகியிருக்கிறது. இது ஒவ்வொரு வீட்டிலும் சற்று மாறுபடலாம் இருப்பினும் அதில் எலுமிச்சை, இஞ்சி, மஞ்சள், தேன் இடம்பெறுகிறது.

இப்போது எங்கள் வீட்டில் எளிமையான முறையில் எப்படி எதிர்ப்பு சக்தி பானம் தயாரிக்கிறோம் என்பதை பார்க்கலாம். பானம் தயாரிக்க எலுமிச்சை, இஞ்சி, மஞ்சள், மிளகு, அதிமதுரம், துளசி இலை, தேன், வெல்லம் எடுத்துக்கொள்ள வேண்டும். எளிமையாக என்று சொல்லிவிட்ட இவ்வளவு பட்டியலிடனுமா…? என்ற கேள்வி எழலாம். ஆனால், இது அனைத்தும் எளிதாக வீட்டில் இருக்கும் ஆரோக்கியத்திற்கான பொருளாகும். இவற்றில் ஒன்றிரண்டு பொருள்கள் இல்லையென்றால் பரவாயில்லை வீட்டில் இருக்கும் பொருட்களைக் கொண்டு தயார் செய்யலாம்.

இயற்கை மூலிகை பானம் செய்முறை

  1. முதலில் 250 மில்லி லிட்டர் தண்ணீரில் எலுமிச்சை பழம் ஒன்றின் சாறை எடுத்துக்கொள்ளவும்.

    ஒரு நடுத்தர குடும்பத்திற்கு போதுமானது.

  2. அதிலேயே 5-10 கிராம் இஞ்சியையும் தட்டி போட்டுக்கொள்ளுங்கள்.

    மிக்ஸி வேண்டாம் அம்மிக்கல் தட்டவும்.

  3. 1/4 மஞ்சள் டீஸ்பூன், 1/4 டீஸ்பூன் மிளகு தூளையும், 1/2 டீஸ்பூன் அதிமதுரம் மற்றும் 10 துளசி இலையை சேர்த்து கொள்ளவும்.

    இவற்றில் ஒன்றிரண்டு பொருள்கள் இல்லையென்றால் பரவாயில்லை

  4. தேவையான அளவுக்கு தேன், வெல்லம் அல்லது பனை வெல்லத்தை தூள் செய்து வைத்துக்கொள்ளவும்.

    ஏதேனும் ஒன்றை எடுத்துக் கொள்ளவும்

  5. இப்போது எலுமிச்சை சாறு, இஞ்சி, மஞ்சள் தூள், மிளகு தூள், துளசி, அதிமதுரம் கலந்த நீரை பாத்திரத்தில் ஊற்றி குறைவான அளவு அடுப்பு தீயில் வையுங்கள்.

    கொதிநிலை வரும் பட்சத்தில் வெல்லம் சேர்த்துக்கொள்ளவும். சற்று கலக்கிவிட்டு இறக்கினால் சுவையான மற்றும் ஆரோக்கியமான பானம் தயார். குடிப்பதற்கு ஏற்ப வெதுவெதுப்பான சூட்டில் குடிக்கவும்.

பானத்தில் கலக்கும் மஞ்சள் என்பது உணவுகளின் ரத்தினம். ஒருவரின் நோய் எதிர்ப்பு சக்தியைக் கட்டியெழுப்ப இது பெரிதும் உதவுகிறது. எலுமிச்சை வைட்டமின் சி அதிகம் கொண்டது. இது நோயெதிர்ப்பு சக்தியை அதிகரிப்பதில் பெரும் பங்கு வகிக்கிறது, மேலும் பல ஆரோக்கிய நன்மைகளையும் வழங்குகிறது. இப்படி நாம் பயன்படுத்தும் அனைத்துப் பொருட்களும் மிகவும் பயனுள்ளவையாகும்.

இருப்பினும் ‘அளவுக்கு மிஞ்சினால் அமிர்தமும் நஞ்சு’ என்ற பழமொழியை சற்று கருத்தில் கொள்ள வேண்டும். தேவையான அளவு மட்டும் எடுத்துக்கொண்டால் போதுமாகும். அதாவது பெரியவர்கள் 50 மி. லி. சிறியவர்கள் 20 மி. லி. என ஒரு நாளைக்கு இரண்டு வேளை கொடுக்கலாம்

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %