ICC: டி20 உலக கோப்பை கிரிக்கெட் போட்டி தள்ளிவைப்பு..

Read Time:4 Minute, 0 Second
Page Visited: 194
ICC: டி20 உலக கோப்பை கிரிக்கெட் போட்டி தள்ளிவைப்பு..

கொரோனா அச்சுறுத்தல் காரணமாக இந்த ஆண்டுக்கான டி20 ஓவர் உலக கோப்பை கிரிக்கெட் போட்டி தள்ளிவைக்கப்படுவதாக ஐ.சி.சி. நேற்று அதிகாரபூர்வமாக அறிவித்தது.

16 அணிகள் பங்கேற்கும் 7-வது டி20 உலக கோப்பை கிரிக்கெட் போட்டி ஆஸ்திரேலியாவில் வருகிற அக்டோபர் 18-ந் தேதி முதல் நவம்பர் 15-ந் தேதி வரை நடத்த திட்டமிடப்பட்டு இருந்தது. கொரோனா கோரதாண்டவம் காரணமாக இந்த போட்டியை நடத்துவது இயலாத காரியம் என்று ஆஸ்திரேலிய கிரிக்கெட் வாரியம் தெரிவித்தது. இது குறித்து சர்வதேச கிரிக்கெட் கவுன்சில் (ஐ.சி.சி.) கடந்த 2 மாதத்தில் 3 முறை ஆலோசனை நடத்தியும் முடிவு எதுவும் எடுக்காமல் காலம் தாழ்த்தி வந்தது.

இந்த நிலையில் ஐ.சி.சி.யின் நிர்வாக குழு உறுப்பினர்கள் நேற்று மீண்டும் வீடியோ கான்பரன்ஸ் மூலம் ஆலோசனை நடத்தினார்கள். இந்த கூட்டத்தில் எதிர்பார்த்தபடி டி20 ஓவர் உலக கோப்பை போட்டியை தள்ளிவைப்பது என்று முடிவு செய்யப்பட்டது. இது குறித்து ஐ.சி.சி. சார்பில் நேற்று வெளியிடப்பட்டுள்ள செய்திக்குறிப்பில், ‘கொரோனா அச்சுறுத்தல் எதிரொலியாக இந்த ஆண்டுக்கான டி20 உலக கோப்பை கிரிக்கெட் போட்டி தள்ளி வைக்கப்படுகிறது’ என்று தெரிவிக்கப்பட்டது.

மேலும் இந்த கூட்டத்தில்

  1. ஐ.சி.சி ஆண்கள் டி20 உலகக் கோப்பை 2021 அக்டோபர் – நவம்பர் மாதத்தில் நடைபெறும், இறுதிப் போட்டி 14 நவம்பர் 2021 அன்று நடைபெறும்.
  2. ஐ.சி.சி ஆண்கள் டி20 உலகக் கோப்பை 2022 அக்டோபர் – நவம்பர் மாதத்தில் நடைபெறும், இறுதிப் போட்டி 13 நவம்பர் 2022 அன்று நடைபெறும்.
  3. ஐ.சி.சி ஆண்கள் உலகக் கோப்பை கிரிக்கெட் 2023 அக்டோபர் – நவம்பர் மாதத்தில் இந்தியாவில் நடைபெறும், இறுதிப் போட்டி 26 நவம்பர் 2023 நடைபெறும்.

மேலும், 2021-ம் ஆண்டு டி20 உலக கோப்பை போட்டியை நடத்தும் உரிமையை இந்தியா பெற்று இருக்கிறது. இதனை இந்திய கிரிக்கெட் வாரியம் விட்டுக்கொடுக்காமல் இருந்தால் தற்போது தள்ளிவைக்கப்பட்ட டி20 உலக கோப்பை கிரிக்கெட் போட்டி 2022-ம் ஆண்டு இந்தியாவில் நடைபெறும்.

ஏற்கனவே இந்த ஆண்டுக்கான ஆசிய கோப்பை கிரிக்கெட் போட்டி தள்ளி வைக்கப்பட்ட நிலையில், டி20 உலக கோப்பை போட்டியும் தள்ளிபோடப்பட்டு உள்ளது.

கொரோனாவால் தள்ளிவைக்கப்பட்டு இருக்கும் 13-வது ஐ.பி.எல். கிரிக்கெட் போட்டியை நடத்துவதில் இருந்த சிக்கல் முடிவுக்கு வந்து இருக்கிறது. ஐ.பி.எல். போட்டி செப்டம்பர் 26-ந் தேதி முதல் நவம்பர் 8-ந் தேதி வரை ஐக்கிய அரபு அமீரகத்தில் நடைபெற இருப்பதாக தகவல் வெளியாகி இருக்கின்றன. இது குறித்து ஓரிரு நாளில் அறிவிப்பு வெளியாகும் என்று தெரிகிறது.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %