போலி ஊசி மருந்தில் குணமாகிய கொரோனா நோயாளிகள்… நடந்தது என்ன…?

Read Time:3 Minute, 30 Second

இந்தியாவில் கொரோனா தொற்றின் 2-வது அலையில் அதிகமானோர் பாதிக்கப்பட்டு வருகின்றனர். கொரோனா நோயாளிகளுக்கு சிகிச்சையளிக்க ரெம்டெசிவிர் ஊசி மருந்து வழங்கப்படுகிறது.

மிதமான மற்றும் தீவிரமான கொரோனா நோயாளிகளுக்கு இந்த ரெம்டெசிவிர் ஊசியை செலுத்துகிறபோது, அவர்கள் மருத்துவமனைகளில் இருக்க வேண்டிய நாட்கள் குறைகின்றன என தெரிவிக்கப்பாட்டுள்ளது. மேலும் இறப்புவிகிதத்தை குறைக்கிறது என மத்திய, மாநில அரசுகளுக்கும் தெரிவித்துள்ளது.

இதனால், உயிர்காப்பு மருந்தான ரெம்டெசிவீருக்கு தேவை அதிகரித்து உள்ளது. இந்த நெருக்கடியான சூழலை பயன்படுத்தி போலியான மருந்துகளை விற்பனை செய்யும் கும்பலும் சுற்றுகிறது. இவ்வாறு வழங்கப்பட்ட மருந்தில் கொரோனா நோயாளிகள் குணம் அடைந்துள்ளனர் என்ற அதிசய தகவல் வெளியாகியிருக்கிறது.

போலி ஊசி மருந்து விவகாரத்தில் நடந்தது என்ன?

குஜராத்தை சேர்ந்த ஒரு கும்பல் மத்திய பிரதேசத்தில் போலி ரெம்டெசிவிர் மருந்தை சப்ளை செய்துள்ளது. இது தெரியாமல் நூற்றுக்கும் மேற்பட்ட கொரோனா நோயாளிகளுக்கு இந்த போலி ஊசியை செலுத்தியும் உள்ளனர். இதற்கிடையே கடந்த 1-ம் தேதி போலி ரெம்டெசிவிர் மருந்தை சப்ளை செய்த கும்பல் போலீஸ் விசாரணையில் சிக்கியது.

அந்த கும்பலிடம் நடத்திய விசாரணையில் இந்தூரில் 700 டோஸ் போலி ஊசி மருந்தும், ஜபல்பூரில் 500 வியால் போலி ஊசி மருந்தும் விற்றது போலீசாருக்கு தெரியவந்துள்ளது.

போலீசார் நடத்திய கிடுக்குபிடி விசாரணையில் இந்த மோசடி கும்பல் மும்பையில் இருந்து காலியான குப்பிகளை வாங்கி, குஜராத்தின் வாபி பகுதியில் உள்ள ஆலையில் வைத்து போலி மருந்தை நிரப்பி போலி லேபிள்களை ஒட்டியதும் அம்பலத்துக்கு வந்திருக்கிறது. இந்தூரில் இந்த ஊசியை போட்டுக்கொண்டு 10 நோயாளிகள் மரணம் அடைந்தனர் என தெரிவிக்கப்படுகிறது. ஆனால் 90 சதவீத நோயாளிகள் உயிர் தப்பி உள்ளனர் என்றும் தெரியவந்துள்ளது.

ஆனால் உண்மையான ரெம்டெசிவிர் ஊசி போட்டு தப்பித்த கொரோனா நோயாளிகளின் எண்ணிக்கையுடன், போலி ஊசி போட்டு தப்பித்தவர்கள் எண்ணிக்கையை அதிகமாக இருந்துள்ளது. இதனை பார்த்து போலீசார் திகைத்துப்போய் இருக்கிறார்கள். மேலும் மத்திய பிரதேச மாநிலத்தில் பெரும் பரபரப்பை ஏற்படுத்தி இருக்கிறது.

இதுகுறித்து போலீசார் விசாரணையை மேலும் தீவிரப்படுத்தி உள்ள நிலையில், குற்றவாளிகள் மீது கொலைக்குற்றச்சாட்டு சுமத்தி தண்டிக்க வேண்டும் என்று முதல்வர் சிவராஜ் சிங் சவுகான் கூறிஉள்ளார்.