கொரோனா நோய்த்தொற்றை தடுக்கும் சித்த மருத்துவ முறைகள்.. நீராவி பிடிக்கும் வழிமுறைகள்..

Read Time:6 Minute, 21 Second

கொரோனா நோய்த்தொற்றை தடுப்பதற்கான சித்த மருத்துவ முறைகள் குறித்து மதுரை அரசு சித்த மருத்துவ அதிகாரி விளக்கமளித்து உள்ளார்.

கொரோனா நோய்த்தொற்று பரவலை தடுப்பதில் பாரம்பரிய சித்த மருத்துவம் முக்கிய பங்காற்றி வருகிறது. கொரோனா பரவல் அதிகரிப்புக்கு மத்தியில் புதிதாக தமிழகம் முழுவதும் முற்றிலும் சித்த மருத்துவ கொரோனா சிகிச்சை மையங்கள் திறக்கப்பட்டு வருகின்றன.

மதுரை அரசு ராஜாஜி மருத்துவமனையின் மாவட்ட சித்த மருத்துவ அதிகாரி டாக்டர் சைரா பானு கூறுகையில், கொரோனா நோய்த்தொற்றை ஆரம்ப நிலையில் கண்டறிந்தால், சித்த மருந்துகள் மூலம் சிகிச்சையளித்து குணப்படுத்தலாம் என்றும் ஆனால் பெரும்பாலானோர் கொரோனா தொற்று நோய் முற்றிய நிலையில் வருகின்றனர் அவர்களுக்கு சித்த மருத்துவத்துடன் சுவாசிக்க ஆக்சிசன் உதவி தேவைப்படுகிறது.

மேலும் கொரோனா தொற்று பரவாமல் தடுக்க முன்னெச்சரிக்கை நடவடிக்கை எடுக்க முடியும் எனக் கூறியிருக்கிறார்.

கொரோனா முன்னெச்சரிக்கை நடவடிக்கை

  • வீட்டின் சுற்றுப்புறத்தில் வேப்பிலை, மஞ்சள் கலந்த நீர் தெளிக்க வேண்டும்.
  • தினமும் காலையில் மிதமான சூட்டில் கல் உப்பால் வாய் கொப்பளிக்கலாம்.
  • தொண்டை வறண்டு போகாமல் இருக்க 2 வேளை வெந்நீர் குடிக்கலாம்.
  • வேப்பிலை, நொச்சி இலை மற்றும் மஞ்சள் சேர்த்து தினமும் நீராவி பிடிக்க வேண்டும்.
  • மஞ்சள், வேப்பிலை, கற்றாழை மற்றும் படிகாரம் கலந்த நீரை கொண்டு கைகழுவ வேண்டும்.
  • காலை நேரத்தில் தோல் சீவிய இஞ்சி, எலுமிச்சை தோலுடன் மிளகு சேர்த்து காய்ச்சி தேன் கலந்து குடிக்க வேண்டும்.
  • தினமும் மாலையில் சுக்கு, கொத்தமல்லி கலந்த பானம் தேனில் கலந்து அருந்த வேண்டும்.
  • இரவில் சூடான பாலில் மஞ்சள், மிளகு சேர்த்து குடிக்க வேண்டும்.
  • சுண்டைக்காய், பாகற்காய், திணை, சாமை, கேழ்வரகு, குதிரைவாலி, வேப்பம் பூ, தூதுவளை ரசம் ஆகிய உணவுகளை எடுத்துக் கொள்ள வேண்டும்.

உடலில் நோய் எதிர்ப்பு சக்தியை அதிகரிக்க நெல்லிக்காய், கொய்யாப்பழம், பப்பாளி, ஆரஞ்சு, சாத்துக்குடி உள்ளிட்ட பழங்களை சாப்பிட வேண்டும் எனக் கூறியுள்ளார்.

அலர்ஜி, ஆஸ்துமா, சைனஸ் நோயாளிகள் மற்றும் வயதானவர்கள் முள்ளங்கி, சுரைக்காய், பூசணி, வெள்ளரிக்காய் ஆகியவற்றை தவிர்க்க வேண்டும்.

எலுமிச்சை, தயிர், மாதுளை, திராட்சை போன்ற உணவு வகைகளை தவிர்க்க வேண்டும்

கொண்டைக்கடலை, பாதாம் பருப்பு, நிலக்கடலை ஆகியவற்றை வேகவைத்து சாப்பிடலாம்.
தினமும் காலை 8 – 9 மணிக்குள்ளும், மாலை 4 மணிக்கு பிறகும் உடம்பில் வெயில் படுமாறு பார்த்துக்கொள்ள வேண்டும்.

இதன் மூலம் நோய்த்தொற்று பரவாமல் நம்மை நாமே பாதுகாத்துக்கொள்ள முடியும் என தெரிவிக்கிறார்.

கபம் தொடர்பான நோய்களுக்கு சித்தர்களின் ஓலைச்சுவடிகளில் பலதரப்பட்ட மருந்து குறிப்புகள் சொல்லப்பட்டு உள்ளன. அதன்படியே தற்போது சித்த மருந்துகள் கொரோனா தொற்று நோயாளிகளுக்கு பரிந்துரைக்கப்பட்டு வருகிறது.

கொரோனா நோயாளிகளை அறிகுறிகள் இல்லாதவர்கள், மிதமான பாதிப்பு, சாதாரண பாதிப்பு மற்றும் தீவிர பாதிப்பு என 4 வகையினராக பிரித்து சிகிச்சை அளிக்கப்படுகிறது.

மருத்துவ ஆய்வு

இதில் மிதமான மற்றும் சாதாரண கொரோன பாதிப்பு ஏற்பட்டவர்களுக்கு சித்த மருந்துகள் மட்டும் நோய்த்தொற்றை குணப்படுத்த போதுமானது. பிற பிரிவினருக்கு ஆங்கில மருந்துகளுடன், சித்த மருத்துவமும் சேர்ந்து கிடைக்கும் போது விரைவில் குணமடைகின்றனர் என்பது இந்திய மருத்துவத்துறை இயக்குனர் கணேஷ் ஐ.ஏ.எஸ். உத்தரவின் பேரில், தமிழத்தில் மேற்கொள்ளப்பட்ட ஆய்வில் தெளிவாகியுள்ளது எனவும் மருத்துவர் பானு தெரிவித்துள்ளர்.

இந்த ஆய்வறிக்கை ஜே.ஏ.ஐ.எம். என்ற சர்வதேச நாளேட்டில் பிரசுரமானது. தற்போது நோய் அதிதீவிரமான நிலையில் இருப்பதால் சித்த மருத்துவத்தையும் சேர்த்து எடுத்துக்கொள்ள வேண்டும் எனக் கேட்டுக் கொண்டுள்ளார்.

நீராவி பிடிக்கும் வழிமுறைகள்

தினமும் காலை, மாலை நேரங்களில் நீராவி பிடித்தால் கொரோனா வைரஸ் தொற்று பாதிப்பில் இருந்து நிவாரணம் பெற முடியும்.

இதற்கு கல் உப்பு, விரலி மஞ்சள்தூள், வேப்பிலை, நொச்சி இலை, துளசி இலை மற்றும் ஓமவள்ளி இலை ஆகியவற்றை சுத்தமான தண்ணீரில் நன்றாக கொதிக்க வைத்து பயன்படுத்த வேண்டும். ஒன்னுரெண்டு கிடைக்கவில்லை என்றாலும் பரவாயில்லை

வாய் மற்றும் மூக்கு பகுதியில் நீராவி படும் வகையில் குறைந்தபச்சம் 3 நிமிடம் ஆவி பிடிக்க வேண்டும். இவ்வாறு நீராவி காற்றை இழுத்து சுவாசிக்கும் போது தொற்றிக்கொள்ளும் வைரஸ் கிருமிகள் அழிக்கப்படுகின்றன.