#FATF ‘க்ரே லிஸ்ட்’ நாடுகள் வரிசையில் பாகிஸ்தான்… இதன்பொருள் என்ன?

பயங்கரவாதிகளுக்கு நிதியுதவியை தடுக்கும் அமைப்பான நிதிச்செயல் பணிக்குழு (FATF) பாகிஸ்தானை கறுப்புப் பட்டியலில் சேர்க்கும் நடவடிக்கை எடுக்கப்படும் என கடந்த அக்டோபரில் தெரிவித்தது.

பயங்கரவாத அமைப்புக்களுக்கு நிதி அளிக்கப்படுவதை தடுக்க 27 அடிப்படை விதிகளை எப்ஏடிஎப் வகுத்துள்ளது. ஆனால் ஏற்கனவே எச்சரிக்கப்பட்டும், இந்த விதிகளின்படி நடவடிக்கை எடுக்க பாகிஸ்தான் தவறிவிட்டது. 27ல் வெறும் 6 விதிகளை மட்டுமே பாகிஸ்தான் இதுவரை கையாண்டுள்ளது என அப்போது தெரிவிக்கப்பட்டது. அடுத்த 4 மாதங்களுக்குள் அனைத்து விதிமுறைகளையும் கடைப்பிடித்து செயலில் இறங்காவிட்டால் அடுத்தகட்டமாகப் பாகிஸ்தானை கறுப்புப் பட்டியலில் சேர்க்கும் நடவடிக்கை எடுக்கப்படும் எனவும் எச்சரிக்கப்பட்டது. அதாவது பிப்ரவரிக்குள். இவ்வார இறுதியில் கூட்டம் நடக்கிறது.

அக்டோபரில் பாகிஸ்தானை கறுப்புப் பட்டியலில் சேர்ப்பதற்கு மலேசியா, சீனா, துருக்கி ஆகிய நாடுகள் சம்மதிக்கவில்லை. ஒரு நாடு கறுப்புப் பட்டியலில் சேர்க்கப்படாமல் இருப்பதற்கு 3 நாடுகள் ஆதரவு இருந்தால் போதுமானதாகும். அந்த வகையில் பாகிஸ்தானுக்கு 3 நாடுகள் ஆதரவு இருந்ததால், கறுப்பு பட்டியலில் சேர்க்கப்படாமல் கடும் எச்சரிக்கையுடன் விடப்பட்டது. தற்போது பாகிஸ்தான் கிரே லிஸ்ட் பட்டியல் நாடுகளில் இருக்கிறது. தீவிரவாதிகளுக்கு ஆயுதங்கள், பண உதவி ஆகியவற்றை தடுக்க போதுமான அக்கறை காட்டாததால் இந்த பட்டியலில் பாகிஸ்தான் வைக்கப்பட்டுள்ளது.

2020-ம் ஆண்டு பிப்ரவரி மாதத்துக்குள் பாகிஸ்தான் தீவிரவாதிகளுக்கு எதிரான நடவடிக்கைகள் எடுப்பதில் முன்னேற்றம் இருக்காவிட்டால் பாகிஸ்தானை கறுப்புப் பட்டியலில் சேர்க்கும் நடவடிக்கை எடுக்கப்படும் என எப்ஏடிஎப் அமைப்பிலிருந்து தகவல்கள் வெளியாகின.

பாகிஸ்தான் தொடர்ந்து க்ரே லிஸ்ட்நாடுகள் வரிசையில் இருந்துவந்தால், அந்த நாட்டுக்கு உலக வங்கி, ஐஎம்எப், ஐரோப்பிய யூனியன் ஆகியவற்றிலிருந்து உதவிகள் கிடைப்பது கடினமாகும். தற்போது கறுப்புப் பட்டியலில் ஈரான், வடகொரிய நாடுகள் இருக்கின்றன. பாகிஸ்தானும் இதில் இடம்பெறுமா? என்பது பாரிசில் நடைபெற உள்ள கூட்டத்தில் தெரியவரும். ஆனால், நடவடிக்கையிலிருந்து தப்பிக்க ஹபீஸ் சயீத் மீது நடவடிக்கை எடுப்பதாக நாடகம் ஆடியுள்ளது பாகிஸ்தான். இதனை உலக நாடுகளும் பாராட்டியுள்ளது.

Editor

Next Post

பாகிஸ்தான் நாடாளுமன்றத்தில் துருக்கி அதிபர் எர்டோகன் காஷ்மீர் பற்றி பேசியது என்ன?

Fri Feb 14 , 2020
பயங்கரவாதிகளுக்கு நிதியுதவியை தடுக்கும் அமைப்பான நிதிச்செயல் பணிக்குழு (FATF) பாகிஸ்தானை கறுப்புப் பட்டியலில் சேர்க்கும் நடவடிக்கை எடுக்கப்படும் என கடந்த அக்டோபரில் தெரிவித்தது. பயங்கரவாத அமைப்புக்களுக்கு நிதி அளிக்கப்படுவதை தடுக்க 27 அடிப்படை விதிகளை எப்ஏடிஎப் வகுத்துள்ளது. ஆனால் ஏற்கனவே எச்சரிக்கப்பட்டும், இந்த விதிகளின்படி நடவடிக்கை எடுக்க பாகிஸ்தான் தவறிவிட்டது. 27ல் வெறும் 6 விதிகளை மட்டுமே பாகிஸ்தான் இதுவரை கையாண்டுள்ளது என அப்போது தெரிவிக்கப்பட்டது. அடுத்த 4 மாதங்களுக்குள் […]

Breaking News

அதிகம் வாசிக்கப்பட்டவை

Follow us on Facebook

Like Us!
X myStickymenu