பணியாளர்களின் எதிர்கால நிதி பாதுகாப்புக்காக செயல்படும் ஊழியர் வருங்கால வைப்பு நிதி அமைப்பு (EPFO), தற்போது ஒரு முக்கிய அறிவிப்பை வெளியிட்டுள்ளது. இதில், சில நிபந்தனைகளை பூர்த்தி செய்த பிஎஃப் கணக்கு வைத்திருப்பவர்கள் ரூ.50,000 வரையிலான தொகையை இலவசமாக பெறும் வாய்ப்பு வழங்கப்பட்டுள்ளது.
இந்த அறிவிப்பு, EPFO-வின் “லாயல்டி-கம்-லைஃப்” எனும் திட்டத்தினூடாக வெளியாகியுள்ளது. இது, பலருக்கு அவ்வளவாக தெரிந்திருக்க வாய்ப்பு இல்லாத ஒரு திட்டமாகும். ஆனால், தங்களது பிஎஃப் கணக்கை தொடர்ந்து பல ஆண்டுகளாக வைத்திருக்கும் பயனாளர்களுக்கு இது ஒரு மகிழ்ச்சியான செய்தியாக அமைகிறது.
யார் யாருக்கு இந்த உதவி கிடைக்கும்?
இந்த திட்டத்தின் கீழ், ஒரே பிஎஃப் கணக்கில் தொடர்ந்து 20 ஆண்டுகள் பணம் செலுத்திய நபர்கள் தான் இந்த நன்மைக்கு தகுதியானவர்களாக இருக்க முடியும். ஒரே நிறுவனத்தில் தொடர்ந்து பணிபுரிய வேண்டிய அவசியம் இல்லை. வேலைமாற்றம் நடந்தாலும், ஒரே பிஎஃப் கணக்கை தொடர்ந்து பயன்படுத்த வேண்டும் என்பதுதான் முக்கிய நிபந்தனை.
இது மட்டுமல்லாமல், அந்த பிஎஃப் கணக்கில் எந்த இடைவெளியும் இல்லாமல் தொடர்ந்து பங்களிப்பு இருக்க வேண்டும். அந்த நிலையில் தான், பணியாளர்கள் இந்த திட்டத்தின் கீழ் ரூ.30,000 முதல் ரூ.50,000 வரை நிதியுதவியை பெற முடியும்.
சம்பளத்தின்படி உதவித் தொகை
இந்த நிதி உதவியின் அளவு, பிஎஃப் கணக்கு வைத்திருப்பவர்களின் அடிப்படை சம்பளத்தைப் பொருத்தே மாறுபடும்:
-
அடிப்படை சம்பளம் ரூ.5000 வரை உள்ளவர்கள் – ரூ.30,000 பெறுவர்
-
சம்பளம் ரூ.5000 முதல் ரூ.10,000 வரை இருப்பவர்கள் – ரூ.40,000 பெறுவர்
-
ரூ.10,000-க்கு மேல் சம்பளம் பெறுபவர்கள் – ரூ.50,000 வரை பெற முடியும்
இந்த திட்டத்துக்கான பரிந்துரையை மத்திய வருவாய் வாரியம் (CBDT) சமீபத்தில் முன்வைத்துள்ளது. இதற்கான ஒப்புதல் மத்திய அரசிடம் இருந்து கிடைத்துள்ளதாகவும் அறிவிக்கப்பட்டுள்ளது.
EPFO-வின் முக்கிய பங்கும் பயனும்
EPFO என்பது நாட்டின் கோடிக்கணக்கான பணியாளர்களுக்கு ஓய்வுக்குப் பிறகும் நிதி பாதுகாப்பை உறுதி செய்யும் அமைப்பாக விளங்குகிறது. ஒவ்வொரு மாதமும் ஊதியத்திலிருந்து சில நிதியை பிஎஃப் கணக்கில் செலுத்துவதன் மூலம், ஓய்வூதியம், மருத்துவ தேவைகள், அல்லது அவசர நிதி தேவை போன்ற சூழ்நிலைகளில் இந்த தொகையை பயன்படுத்த முடியும்.
இந்த புதிய திட்டம், பிஎஃப் கணக்கில் நீண்ட கால பங்களிப்பை ஊக்குவிப்பதோடு மட்டுமல்லாமல், பணியாளர்களின் நம்பிக்கைக்கும் ஒரு உறுதியான பதிலாக இருக்கிறது.
இந்நிலையில், நீங்களும் உங்கள் பிஎஃப் கணக்கை சரிபார்த்து, இந்த நிதி உதவிக்கு தகுதியுள்ளவரா என்பதை அறிந்து கொள்ளலாம். இதுவே உங்கள் எதிர்கால நிதிக்காக ஒரு சிறந்த அச்சாணியாக அமையக்கூடும்.